Kınoteatrlar kınozaldarda Google Glass kózildirigin kııýge tyıym salýdy josparlaýda
ASTANA. QazAqparat - Reseı kınoteatrlary kınozaldarda elektrondyq kózildirikter men osyǵan uqsas qurylǵylardy kııýge tyıym salýdy josparlaýda. Tyıym salý - mundaı kózáınekter arqyly beınejazba jasaý múmkindigimen baılanysty.
«Google Glass-tyń ornatylǵan kamerasy bar, sondyqtan kınofılmderdiń pırattyq jazbalaryn boldyrmaý úshin kameralar men uıaly telefondardy paıdalanýǵa tyıym salýǵa qatysty qaǵıda atalǵan tehnıkalyq qurylǵyǵa da qoldanylatyn bolady», - deıdi «Lıýksor» kınojobasynyń basshysy Artem Sargsıan. Onyń aıtýynsha, kınoteatrlar jelisi qaýipsizdik qyzmeti ókilderine túsindirý jumystaryn júrgizedi.
Budan buryn The Guardian basylymy Ulybrıtanııada kınoteatrlarǵa kelýshilerge elde satylymǵa túsken Google Glass ınteraktıvtik kózildirigin paıdalanýǵa tyıym salǵanyn habarlady.
Sebebi jańa kınolentalardyń ekrandyq kóshirmesin túsirý úshin Google Glass kamerasyn paıdalanatyn pırattarmen kúresý qolǵa alynǵan. Google Glass erkin satylymǵa 2014 jyldyń ekinshi jartysynda túsedi. Qazirgi ýaqytta ony AQSh pen Ulybrıtanııa turǵyndary satyp ala alady.
