Kınoteatrǵa ǵana soǵylatyn kólikter: Júrgizýshi taǵy mas bolýy múmkin
ALMATY. Qazaqparat - Almatyda «Tselınnyı» kınoteatryna taǵy bir kólik soǵyldy, dep habarlaıdy Qazaqparat tilshisi.
Qabanbaı batyr kóshesinen batysqa baǵyt alǵan Toyota Camry kósheniń tuıyqtalǵan jerinen Masanchı kóshesine burylysta, qorshaýdy qıratyp baryp ǵımaratqa soǵyldy.
Jol apatynan jolaýshy qyz zardap shekti.
Oqıǵaǵa kýá bolǵandardyń aıtýynsha, kólik júrgizýshisi mas bolǵan. Polıtsııa qyzmetkerleri ony medıtsınalyq tekserýge alyp ketti.
Qazir «Tselınnyı» kınoteatry jumys istemeıdi. Ǵımaratta ashana men fotosalon ornalasqan.
Eske sala keteıik, osydan bir apta buryn taǵy bir kólik osy ǵımaratqa soǵylǵan bolatyn. Onyń da júrgizýshisi mas bolǵan edi.
