Kınoteatrdaǵy teraktiden 5 adam ajal qushyp, 30-dan astamy jaralandy
ASTANA. QazAqparat - Pákistannyń soltústik-batysynda ornalasqan Peshavar qalasyndaǵy kınoteatrlardyń birine terrorıster shabýyl jasaǵan.
Saldarynan 5 adam ajal qushyp, 30-dan astamy jaralandy.
Seans ýaqytynda belgisiz bireýler júzden astam adamy bar kórermender zalyna 2 granata laqtyrǵan, dep habarlady "Ál-Jazıra" telearnasy. Jergilikti polıtseılerdiń derekterine qaraǵanda, shabýyl jasaǵandar izin sýytyp úlgergen. Belgili ekstremıstik uıymdardyń eshqaısysy da ázirge bul qastandyqty óz moıyndaryna almaı otyr, dep habarlady ITAR-TASS.
