Kınoteatrda kassır qyzdy ishinen tepken Astana turǵynyna qatysty sot aldyndaǵy tergeý amaldary bastaldy
ASTANA. QazAqparat - 22 jastaǵy Q.Tórekeldıevke qatysty QR Qylmystyq kodeksiniń 293-baby (buzaqylyq) boıynsha sot aldyndaǵy tergeý amaldary bastalyp ketti, dep habarlaıdy Astana qalalyq ІІD-niń baspasóz qyzmetinen.
«Azamat Q. bolmashy sebeppen jábirlenýshige qatysty buzaqylyq jasap, oǵan dene jaraqattaryn saldy. Kúdikti Tórekeldıev QPK-niń 128-babynyń boıynsha ustalyp, Astana qalalyq ІІD ÝUA-ǵa qamaldy», - delingen habarlamada.
Eske sala keteıik, beınebaqylaý kamerasyna túsip qalǵan kınoteatrǵa kelýshilerdiń biri kassır qyzdyń ishinen tepken sáti ǵalamtorǵa jarııalanǵan. Bul beınejazba áleýmettik jeli paıdalanýshylaryn dúrliktirgen bolatyn.
