«Kınotavrdyń» basty júldesiniń ıegeri belgili boldy
ASTANA. QazAqparat - Sochıde «Kınotavr» kınofestıvali aıaqtaldy, onyń qonaqtary men qatysýshylaryna laýreattar esimi belgili boldy, dep habarlady «7 dneı» saıty.
Bas júldege Aleksandr Kottyń «Synaq» fılmi ıe boldy. Rejısser marapatty qazylar alqasynyń tóraǵasy Andreı Zvıagıntsevtiń qolynan aldy. Aleksandr qýanyshtan óz-ózine áreń kelip, alǵysyn bildirdi.
Sondaı-aq jeńimpazdardyń tolyq tizimin usynamyz:
Úzdik fılm - «Synaq» (Aleksandr Kott)
Úzdik rejısser - Anna Melıkıan, «Juldyz» fılmi
Úzdik stsenarıı - ıÝrıı Bykovtyń «Aqymaq» fılmi
Úzdik er adam róli - Alekseı Fılımonov, «Taǵy bir jyl» fılmi
Úzdik áıel róli - Severııa ıAnýshaýskaıte, «Juldyz» fılmi
Kınodaǵy úzdik debıýt - rejısser Ivan I. Tverdovskıı, «Túzetý synyby»
Úzdik operator - Levan Kapanadze, «Synaq» fılmi
Úzdik mýzyka úshin Tarıverdıev atyndaǵy júlde - «Qosh bol, mama» fılmi
Jeńil qabyldanatyn jáne kórkemdik tutastyǵy úshin dıplom - «Meni qalaı ataıdy» fılmi
Kınoprokatshylar qazylar alqasynyń júldesi -«Túzetý synyby» fılmi
Kınosynshylar gıldııasynyń dıplomy- «Aqymaq» fılmi.
