«Kınotaný» mamandyǵy aǵylshyn tilinde oqytylady
ALMATY. QazAqparat - Almatyda T.Júrgenov atyndaǵy Qazaq Ulttyq óner akademııasy «Kınotaný» mamandyǵyna shaqyrady, dep habarlaıdy QazAqparat tilshisi.
T.Júrgenov atyndaǵy QazUÓA «Ónertaný» fakýlteti, «Kıno tarıxy men teorııasy» kafedrasynyń oqytýshysy Dına Ámirbekovanyń aıtýynsha talapkerlerge qoıylatyn shart kúrdelene túspek.
«Kınotaný» mamandyǵyn bıyldan bastap aǵylshyn tilinde júrgizetin bolamyz. Til biletin, sol tilde jaza, oılana alatyn talapkerlerge 8 grant bólinip otyr. Maqsatymyz - tildi jetik meńgergen mamandar arqyly qazaq kınosyn álemge tanytý. Jáne taǵy bir jańalyǵymyz - kúndizgi bólimmen qatar ǵalamtor arqyly qashyqtan oqytýdy iske qosamyz», - deıdi Dana Ámirbekova
Jas talapkerlermen qatar ekinshi, úshinshi mamandyq alamyn deýshilerge de oqý ornynyń esigi ashyq.
«Mektep túlekteriniń UBT-dan jınaǵan «Qazaq tili» men «Qazaqstan tarıhy» pánderiniń bally eseptelip, oǵan shyǵarmashylyq emtıhan kórsetkishi qosylady. Shyǵarmashylyq emtıhannyń birinshi kezeńinde suraqtarǵa jaýap berý kerek, ekinshisinde fılmge taldaý, retsenzııa jasalady» ,- dedi Dana Ámirbekova
Keshendi testileý tapsyratyn talapkerlerdiń qujattary 23 maýsym saǵat 12:00-ge deıin qabyldanady.
25 maýsymnan bastap mektep túlekteriniń qujattary qabyldana bastaıdy.
