Kınopremeralar: kınoteatrlarda qandaı fılmder kórsetiledi
ASTANA. KAZINFORM – Jańa kınoapta bastalysymen kórermenderdi eldiń barlyq kınoteatrynda qyzyqty premeralar kútip tur. Kazinform agenttiginiń tilshisi usynǵan materıaldan aldaǵy kúnderi qandaı fılmderge nazar aýdarý kerektigin bile alasyzdar.
«Sýpermen»
Klark Kenttiń Sýpermen retinde Jerde birneshe jyl ómir súrip kele jatqanyn baıandaıtyn týyndy. Bul – klassıkalyq týyndynyń jańasha nusqasy. Kıno kórermenge eresek Sýpermenniń ózge ǵalamdyq bolmysy men Smolvıllde alǵan adamdyq qundylyqtar arasyndaǵy tepe-teńdikti izdeýi týraly oqıǵany usynady.
«Kýng-fý mysyq»
Otbasylyq fentezı. Bir kezderi uly qolbasshy men onyń adal dosy – sóıleı alatyn mysyq ıyq tirestire shaıqasqan. Alaıda zulym kúsh ıelerinen jeńilgen soń, general joǵalyp, mysyq qýǵynǵa ushyraıdy. Jyldar óte, ımperatordyń uly qaýipke tap bolǵanda, Kýng-fý mysyq jańa odaqtastarymen birge zulym sıqyrshyǵa qarsy turyp, álemdi qutqarýǵa bet alady.
«Shyńǵys han»
Álemdegi alǵash ret jasalǵan tolyqmetrajdy kórkem fılm. Myńjyldyqtyń uly qolbasshysy – Shyńǵys hannyń ómirin baıandaıtyn týyndy zamanaýı tehnologııalar men jasandy ıntellekt kómegimen jasalǵan. XIII ǵasyrdyń beınesin dál jetkizý úshin neırojúıeler tarıhı materıaldarmen arnaıy oqytylǵan.
«Bógde bireý» (frantsýz trılleri)
Anasynyń qazasynan keıin balalyq shaǵy ótken úıge oralǵan Elıs esimdi qyzdyń oqıǵasy. Úıde ol jasyryn kameralardy baıqaıdy – bireý ár qadamyn baqylap otyr. Ýaqyt óte kele qyz qorqynyshty qubylystarǵa tap bolady. Ótkenniń qupııasyn ashqan saıyn, ol óziniń otbasy men jumbaq zulym kúshtiń baılanysyn biledi.
«Ertegiler qalasynyń hanshaıymy»
13 jastaǵy Dalııa – armany jazýshy bolý. Birde ákesiniń jumys bólmesinde jazylmaı qalǵan kitapty taýyp, soǵan janasqan sátte ertegi álemine tap bolady. Onda ol – basty keıipker. Shyn ómirge oralý úshin ol 12 saǵat ishinde sıqyrly bulaqty taýyp, tarıhty qaıta jazýy kerek. Onyń serigi – sóıleıtin teke, bala kezinde ákesiniń qııalynan týǵan oıynshyq.
«Plagıatshy»
30 jastaǵy Egor – karaoke-barda án salyp júrgen jigit. Úlken sahna men súıiktisi ıÝlıaǵa qol jetkizgisi keledi. Bir kúni ol shkaftyń ishindegi qupııa portal arqyly 1991 jylǵa tap bolady. Bolashaq hıtterdi paıdalana otyryp, tez arada tanymaldyq pen baılyqqa keneledi. Biraq ótkenge aralasý qazirgi ómirge kútpegen ózgeris alyp keledi. Endi ol qıyn tańdaý aldynda: ataq pen mahabbat, adaldyq pen jetistik.
Qaı janrda bolmasyn – sýperqaharmannan bastap, otbasylyq ertegi nemese tarıhı drama bolsyn – bul aptada ár kórermen ózine laıyqty fılm taba alady.