«Kınoparkte» qyz balany soqqyǵa jyqqan azamattyń isi sotqa tapsyryldy - Astana ІІD
ASTANA. QazAqparat - Elordadaǵy kınoteatrlardyń birinde kassır qyzdy tepken buzaqyǵa qatysty is sotqa jiberildi. Bul týraly búgin Astanada ótken baspasóz máslıhatynda qalalyq ІІD bastyǵynyń orynbasary Batyrlan Esenbaı málim etti.
«Jańa zańnamaǵa sáıkes, biz bul adamdy (Qýanysh Turakeldıev) ustap, eki táýliktiń ishinde isti sotqa joldadyq»,-dedi B. Esenbaı.
Osy oraıda ol tutqyndalǵan jigitke buzaqylyq baby boıynsha qylmystyq is qozǵalǵanyn atap ótti.
Eske sala keteıik, jaqynda áleýmettik jelide jurtty dúr silkindirgen vıdeo paıda bolǵan edi. Onda Astanadaǵy «Kınopark» kınoteatryna kelýshilerdiń biri kassır qyzben sózge kelip, keıinnen qyzdy ishten teýip, qulatady. Mekemeniń resmı paraqshasynda habarlanǵanyndaı, oqıǵaǵa qatysty aryz Astana qalalyq Esil aýdanynyń ІІB-na jiberilgen. Bul keleńsiz jaǵdaı qoǵamda úlken rezonans týdyrdy.
