Kınoóndirisin birneshe memlekettik vedomstvonyń kúshin biriktirgende ǵana qarqyndy damytýǵa bolady
ASTANA. 17 qarasha. QazAqparat /Aıdar Ospanalıev/ - Sh.Aımanov atyndaǵy «Qazaqfılm» aktsıonerlik qoǵamy jylyna 30 astam týyndy shyǵarady.
Bul týraly búgin «Táýelsiz Qazaqstannyń ulttyq mádenı murasy» atty dóńgelek ústel otyrysynda jýrnalısterdiń saýaldaryna jaýap bergen aktsıonerlik qoǵam prezıdentiniń Avtorlyq quqyqtar jónindegi keńesshisi Temirlan Tólegenov málim etti.
Onyń sózine qaraǵanda, bul memlekettiń keshendi qoldaýynyń arqasynda múmkin bolyp otyrǵan jáıt. «Statıstıkalyq málimetterge júginetin bolsaq, qazaqstandyq fılmderdi kórýge keletin adamdar sany reseılik nemese amerıkandyq fılmderdi kórýge keletin azamattar sanynan áldeqaıda artyq. Al qazaqtildi fılmderge keletin bolsaq, olar qashanda kópshiliktiń suranysyna ıe bolatyn bolady. Óıtkeni ol - bizdiń ana tilimiz, oǵan degen suranys joǵary. Bul rette másele fılmderdi qazaq tiline qalaı aýdarý kerek degenge kelip tirelip tur», - dedi keńesshi.
Sonymen qatar ol sózinde kıno jáne mádenıettiń ózge de salalary bizdiń ulttyq qundylyqtarymyzdyń nasıhattaıtyn qýatty qural ekendigin atap kórsetti. Sondyqtan memleket bul máseleni jiti nazarda ustaýy qajet. Bul rette aıta ketetin másele, biz aıtyp otyrǵan mindetterdi júzege asyrýǵa jalǵyz ǵana Mádenıet mınıstrliginiń kúshi jetpeıdi. Oǵan Bilim jáne ǵylym, Ádilet mınıstrligi men ózge de birqatar memlekettik vedomstvolardyń kúshin jumyldyratyn keshendi baǵdarlama qajet. Sonymen qatar avtorlyq quqyqtardyń qorǵalýy da mańyzdy», - dep atap kórsetti T.Tólegenov.
