Kınony jappaı qyryp-joıý qarýy retinde qoldanýǵa bolady - ǵalymdar
ASTANA. QazAqparat - Adam kıno kórip otyrǵanda onyń mıy der kezinde áreket etedi ári basqa kórermenniń áreketimen birdeı bolady. Demek 1 fılmdi kórip shyqqan adamdar tobyna áser etip, belgili bir is-qımyldar jasaýǵa ıtermeleýge bolady.
Mundaı tujyrymǵa Aalto ýnıversıtetiniń qyzmetkerleri keldi. Olar kıno kórip otyrǵanda adamnyń mıyn der kezinde baqylaýǵa múmkindik beretin jyldam ádis oılap tapty, dep jazady Rosbalt. Buǵan deıingi ǵylymı zertteýlerde sýretter men syzbalar paıdalanylǵan eken. Alǵash ret fılmderdi paıdalanyp jasalǵan zertteýde, kıno mıdyń kóp deńgeıli bolyp ózgeretinin kórsetti. Árekettiń qıyndyǵyna qaramastan, túrli adamdardyń mıynyń belsendilik kestesi bir-birine uqsas bolyp keletini anyqtaldy.
Alǵashqy vızýaldyq árekettiń qorytyndysynan olardyń qımyly men qozǵalysynyń birkelki bolatyny baıqalǵan. Ǵalymdardyń aıtýynsha, munyń barlyǵy kınonyń mazmunyna tikeleı baılanysty.
