Kınologııalyq ortalyq basshysy men orynbasary qamaýǵa alyndy

NUR-SULTAN. QazAqparat - QR Qarjy mınıstrligi Qarjy monıtorıngi komıtetiniń Kınologııalyq ortalyǵy basshylary jemqorlyq boıynsha kúdiktelýde, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap.

Sybaılas jemqorlyqqa qarsy qyzmet Almaty qalasynyń prokýratýrasymen birlesip para alý kúdigi boıynsha Qazaqstan Respýblıkasy Qarjy mınıstrligi Qarjy monıtorıngi komıtetiniń «Kınologııalyq ortalyǵy» RMM basshysy men onyń orynbasaryn áshkereledi.
«Olar baǵynyshty qyzmetkerlerinen qyzmet boıynsha jalpy qamqorlyqtary úshin júıeli túrde 2 mıllıon 182 myń teńge kóleminde para alǵany úshin kúdikke ilingen.
28 jeltoqsanda Almaty qalasynyń mamandandyrylǵan aýdanaralyq tergeý soty kúdiktilerge qatysty qamaýǵa alý túrindegi bultartpaý sharasyna sanktsııa berdi», delingen habarlamada.

Agenttik baspasóz qyzmetiniń málimeinshe, qazir sotqa deıingi tergeý jalǵasýda. Kúdiktilerdiń kinásiniń deńgeıi týraly túpkilikti sheshimdi sot shyǵarady.