Kınolog Marına men labrador Vılsonnyń sáttilik qupııasy
NUR-SULTAN. QazAqparat - Marına Tsýkanova Shyǵys Qazaqstan oblystyq Tótenshe jaǵdaılar departamenti órt sóndirý qyzmetiniń jedel-qutqarý jasaǵynda kınolog bolyp jumys isteıdi. Onyń bul qyzmetke kelýiniń basty sebebi – ıtterge degen sheksiz mahabbaty edi.
Qutqarýshy-kınolog mamandyq, al qutqarýshy-ıt janýar ǵana emes. Olardyń úılesimdi atqarǵan jumysyna adam taǵdyry men ómiri táýeldi bolýy da yqtımal. Sondyqtan osydan 4 jyl buryn jasaqqa jumysqa kelgen M.Tsýkanova Vılson atty labrador kúshiginen naǵyz attestattalǵan qutqarýshy jasap shyǵarýǵa barlyq kúsh-jigerin saldy.
«Ol kezde kúshik 9 aılyq bolatyn. ıAǵnı, tárbıeleıtin ýaqyt ótip ketken edi. Onyń baǵyný jáne senimdilik daǵdysyn qalyptastyrý úshin erekshe kóńil bólý qajet edi. Jattyǵýlarda tyńdamaı ketip óziniń súıikti isi – plastık bótelkelerdi jınaýdy unatatyn. Oǵan qataldyq tanytatyn kez de boldy. Alaıda biz barlyq qıyndyqty artqa tastadyq, Vılson qazir jaqsy nátıje kórsetip keledi» - deıdi kınolog ıti jaıynda.
Marına-Vılson tandemi jumys kezinde kúrdeli izdestirý operatsııasyn da bastan keshirdi. Vılson 5 metrlik qar astynda qalǵan balanyń múrdesin tabýǵa kómektesken.
Marına qulaǵan qar nyǵyzdalyp, beton tárizdi bolyp qalatynyn biletin. Ondaı jaǵdaıda qar astynda aman qalý múmkin emes. It birden bala bolýy yqtımal oryndy kórsetedi. Alaıda ıtiniń osyndaı operatsııaǵa alǵash ret shyqqanyn eskergen kınolog ony basqa jaqqa qaraı jiberedi. Biraq ıti alǵash ret belgilegen orynǵa taıaý jerdi kórsetedi. Úshinshi ret te birinshi kórsetken jerge kelip, úrip qoımaǵan kezde ıttiń qatelespegenin túsinedi. Rasynda da balanyń múrdesi ıt kórsetken orynnan qazyp alyndy.
«Balanyń jansyz denesin kórgen kezde ózim de abdyrap, qatty kúızeldim. Mundaı shynaıy qutqarý operatsııasy Vılka ekeýimiz úshin baǵasyz tájirıbe boldy. Sebebi jumys – ol kez kelgen jattyǵýdan jaqsy» - deıdi M. Tsýkanova.
Marına qutqarýshy ǵana emes. Ol - eki balanyń anasy. Perzentterin tárbıeleýge de, ıtterine de kóńil bólýge ýaqyt tabady.
«Balalarmen qysta tabıǵat aıasyna barýdy, shańǵy tebýdi unatamyz. Árıne ıtterimizdi alyp baramyz. Itterdi shanaǵa jegemiz, olar balalardy oınatady. Odan biz keremet áser alamyz. Al ıtter bolsa dene-kúsh júktemesin alyp jáne jattyǵa túsedi», - dedi Marına Tsýkanova.
