Kınolog áıel: It baptaý – jumysym emes, súıikti isim
ÓSKEMEN. QazAqparat – Natalıa Chernyh ShQO polıtsııa departamenti kınologııalyq qyzmet ortalyǵynda eńbek etedi. Kınolog-polıtseı qylmyskerlerdi ustaýǵa, joǵalǵan adamdardy izdestirýge kómektesetin ıtterdi baptaýmen aınalysady, dep habarlaıdy QazAqparat tilshisi.
Natalıa Chernyh eńbek jolyn 2003 jyly oblystyq tótenshe jaǵdaılar departamentinde bastaǵan.
Veterınarııa feldsheri, ıisshil ıt ósirý boıynsha nusqaýshy bolyp ter tókti.
Sondaı-aq jeke quramdy bastapqy jáne mamandandyrylǵan daıarlaý men qutqarý bólimsheleriniń ózara is-qımylyn pysyqtaý sabaqtaryn júrgizgen.
Іzdeýshi ıttermen oqý-jattyǵý protsesin uıymdastyrdy.
«Itterdi baptaý – jumysym emes, súıikti isim. Jedel-qutqarý jasaǵynyń quramynda qyzmet etken ýaqytymda ıtterdiń kómegimen izdestirý-qutqarý jumystaryna qatystym. Birneshe adamdy qutqaryp qaldyq. Únemi «QAZQUTQARÝ» qutqarý bólimsheleriniń halyqaralyq jarystaryna qatysatynmyn. Nátıjesinde, kınologııa salasynda júldeli oryndarǵa ıe boldym», - deıdi názik jandy kınolog.
TJD kınologııalyq bólimshesi p olıtsııa departamentiniń kınologııalyq qyzmet ortalyǵymen tyǵyz baılanysta jumys isteıdi.
ShQO PD kınologııa qyzmetiniń basshylyǵy mol tájirıbe jınaqtaǵan Natalıa Chernyhty osynda jumysqa shaqyrǵan.
Ol birden kelisimin bergen. Qazir sol jerde eńbek etip júr.
«2021 jyly ortalyqtyń ıisshil ıtteri 8334 ret túrli oqıǵalarǵa bardy. Itter 300-den astam qylmysty ashýǵa qatysty. Sonymen qatar ınspektor-kınologtar men tórt aıaqty kómekshiler jarylǵysh zat týraly habarlardy tekserý sharalaryna turaqty túrde qatysady», - dep habarlady oblystyq PD baspasóz qyzmeti.
