Kınogerler kastıngke jasandy kirpiksiz kelýdi surady
ALMATY. QazAqparat - Sh. Aımanov atyndaǵy «Qazaqfılm» kınostýdııasy «Qazaq handyǵy» serıalynyń ekinshi maýsymyna kastıng jarııalady, dep habarlaıdy QazAqparat tilshisi «Qazaqfılm» baspasóz qyzmetine silteme jasaı otyryp.
Serıaldy Qazaqstan Respýblıkasy Mádenıet jáne sport mınıstrliginiń tapsyrysy boıynsha «Qazaqfılm» kınostýdııasy túsiredi. Serıaldyń rejısseri - Rústem Ábdirashov.
Kastıng talaptary boıynsha oǵan 3 jastan 10 jasqa deıingi balalar, 18 ben 80 jas aralyǵyndaǵy áıelder men er adamdar qatysa alady.
«Áıelderdiń tatýajsyz, jasandy kirpiksiz jáne bet boıaýynsyz kelýlerin suraımyz», delingen habarlamada.
Kastıng Almatyda 25 shildeden 10 qyrkúıekke deıin júredi.
