Kınoafısha jańardy: jańa apta premeralaryna sholý
ASTANA. KAZINFORM – Bul aptada Qazaqstan kınoteatrlarynda kórermen nazaryna qorqynyshty trıllerlerden bastap otbasylyq komedııalar, qııal-ǵajaıyp oqıǵalar men shytyrman fılmderge deıin ártúrli janrdaǵy jańa premeralar usynyldy. Kınoafısha zamanaýı dramalar, detektıvter jáne anımatsııalyq týyndylarmen tolyqty. Kazinform tilshisi apta jańalyqtaryna sholý usynady.
JOLAÝShY (Passajır)
Janry: qorqynysh
Uzaqtyǵy: 94 mınýt
El: AQSh, 2026
Rejısser: Andre Evredal
Jas jup shóleıt jolda júrgizýshiniń jumbaq ólimine kýá bolady. Osy oqıǵadan keıin olardyń sońyna zulym kúsh túsedi. Odan eshqaıda qashyp qutylý múmkin emes — qaıda barsa da, qarańǵy kúsh izine erip otyrady.
BAQYTTY ÓMІRGE JOLDAMA (Bılet v schastlıvýıý jızn)
Janry: drama
Uzaqtyǵy: 105 mınýt
El: AQSh, 2025
Rejısser: Anders Lındýoll
1990 jyldar. Bak Vıskonsındegi shaǵyn fermada jary Margaret pen jetim qalǵan nemeresi Djennımen birge turady. Qarttyń eń úlken armany — fermany nemeresine amanat etý. Alaıda Djennı úlken qalaǵa ketip, mýzyka salasynda baǵyn synaýdy qalaıdy.
Biraq olardyń josparyn bank aldyndaǵy qaryz buzýy múmkin. Bak birneshe tólemdi ýaqytynda óteı almaı, ashkóz bankır Djerrıdiń fermany tartyp alý qaýpi tónedi. Tyǵyryqtan shyǵý úshin Bak bankırmen kelisimge keledi: eger onyń súıikti fýtbol komandasy sheshýshi oıynda jeńiske jetse, ferma óz ıelerinde qalady.
Osy kezde qalaǵa áıgili ánshi Bıllı keledi. Djennı oǵan óz ánderin kórsetip, armanyna bir qadam jaqyndaýǵa múmkindik alady.
ARMANDAÝDYŃ ZIıANY JOQ (Mechtat ne vredno)
Janry: komedııa, sport
Uzaqtyǵy: 121 mınýt
El: Frantsııa, 2026
Rejısser: Antonı Marsıano
Taǵdyrdyń tosyn toǵysýy ómiri qıyndyqqa toly eki jigitti tabystyrady. Biri dúkende satýshy bolyp istese, ekinshisi áýejaıda tazalyqshy bolyp qyzmet etedi. Ekeýin biriktiretin ortaq qumarlyq — basketbol. Aqshasy da, tanysy da joq olar sport agenti bolýǵa bel býady. Osylaısha jigitter úlken aqsha men bıik maqsattar álemine qadam basady. Alaıda armanǵa jetý úshin olarǵa tapqyrlyq, tabandylyq, ózine degen senim men ázilden aıyrylmaıtyn minez qajet.
BATYRLAR (Bogatyrı)
Janry: komedııa, qııal-ǵajaıyp, otbasy
Uzaqtyǵy: 91 mınýt
El: Reseı, 2026
Rejısser: Pavel Voronın
Zamanaýı mektep oqýshysy Vanıa kútpegen jerden sıqyrly ótkelden ótip, Ejelgi Rýs dáýirine tap bolady. Sol jerde ol erjúrek batyrlar Fedor men Ratıbormen tanysady.
Úsheýi birigip, zulym sıqyrshy Gordeıden buryn qupııa artefaktilerdi taýyp úlgerý úshin qazirgi zamanǵa oralýǵa májbúr bolady. Óıtkeni Gordeı ol jádigerlerdiń kómegimen alyp zulym kúshti oıatýdy kózdeıdi.
ARAM AQShA (Grıaznye dengı)
Janry: atys-shabys, trıller
Uzaqtyǵy: 98 mınýt
El: Ulybrıtanııa, AQSh, 2026
Rejısser: Gaı Rıchı
Qatygez magnat Salazar mıllıard dollardy qoldy qylǵannan keıin, Sıd pen Bronko urlanǵan aqshany qandaı jolmen bolsa da qaıtarýǵa kirisedi. Bul — kez kelgen adamnyń basyn qaterge tigetin asa qaýipti tapsyrma. Alaıda Reıchel men onyń tańdaýly komandasy aılaker alaıaqty tuzaqqa túsirý úshin muqııat jospar qurady. Keıin olar qarý asynyp, jaǵdaıdy óz baqylaýyna alý maqsatynda Salazardyń aralyna attanady.
QUT
Janry: balalarǵa arnalǵan, qııal-ǵajaıyp
Uzaqtyǵy: 80 mınýt
El: Qazaqstan, 2026
Rejısser: Aıhan Chataeva
Bul kóne túrkilerdiń ańyzdary men mıfterin aıtýdy jaqsy kóretin Qaısar esimdi balanyń oqıǵasy. Bir kúni belgisiz bireýler kıeli Besqaraǵaı óńirine qaýip tóndiredi. Bul jaǵdaı Ashat, Qaısar jáne Darııany alańdatyp, olardy jumbaq oqıǵanyń syryn ashýǵa jeteleıdi.
PAPASYNYŃ QYZY
Janry: shytyrman oqıǵa, komedııa, otbasy
Uzaqtyǵy: 75 mınýt
El: Qazaqstan, 2026
Rejısser: Asar Abýlhaırov
Jalǵyzbasty áke qyzynyń «Úlken saıahatqa shyǵý» degen armanyn oryndaý úshin ekijúzdi ári qatal bastyǵynyń dóńgelekti úıin urlap áketedi. Muny bilgen bastyq ashýǵa býlyǵyp, olardy qýýǵa kirisedi. Qyzy úshin bul sapar — ómirindegi eń umytylmas ári ǵajaıyp oqıǵaǵa aınalady: jańa jerler, kúlkili jaǵdaılar jáne kútpegen kezdesýler qatar júredi.
Bul oqıǵa áke men qyz arasyndaǵy shynaıy jaqyndyq pen senimge aparatyn jyly ári áserli jol týraly baıandaıdy.
AMERIKALYQ MANЬıAK (Amerıkanskıı manıak)
Janry: detektıv, trıller
Uzaqtyǵy: 105 mınýt
El: AQSh, 2026
Rejısser: Kaıl Kaývıka Harrıs
KOŞEI. TІRІ SÝDYŃ QUPIıASY (Koşeı. Taına jıvoı vody)
Janry: mýltfılm, ertegi, otbasy
Uzaqtyǵy: 75 mınýt
El: Reseı, 2026
Rejısser: Roman Artemev
Ertegiler álemindegi eń jumbaq boıdaq ári ajalsyz Koşeı aqyry óz qalyńdyǵyn tabady. Úsh júz jyl boıy izdegennen keıin ol súıiktisi Varvaramen úılený toıyna daıyndalady, biraq ertegidegi oqıǵalar eshqashan ońaı bolmaıdy. Óz baqyty úshin Koşeı alystaǵy patshalyqtyń opasyz bıleýshisi Morevnamen qarsy turýǵa májbúr bolady. Súıiktisin qutqarý úshin ol adal serigi Elıseıdi taýyp, Kolobokpen birge qaýipti saparǵa attanady. Olardy jol boıynda kóptegen synaqtar, tańǵajaıyp oqıǵalar jáne qatygez aıdahar kútip turady. Alaıda shynaıy dostyq pen mahabbat kez kelgen ǵajaıypty jasaı alady.
ÚIDE JALǴYZ EMES 3. TÚLEKTER KEShІ (Ne odna doma 3. Vypýsknoı)
Janry: shytyrman oqıǵa, komedııa, otbasy
Uzaqtyǵy: 107 mınýt
El: Reseı, 2026
Rejısser: Mıtrıı Semenov-Aleınıkov
Masha opasyz kútýshimen qaıtadan betpe-bet keledi. Biraq bul joly onyń janynda jańa odaqtasy — súıkimdi alaıaq Anton bar. Endi Masha úshin óte mańyzdy mektep bitirý keshi úlken qaýiptiń astynda qaldy. Ol óziniń dosy Egormen birge qylmyskerlerdi toqtatyp, jyldyń eń mańyzdy merekesin qutqarýy kerek.
Ótken aptadaǵy kınopremeralar tizimin osy jerden kóre alasyzdar.
