Kınoafısha: osy aptada qandaı fılmder prokatqa shyqty
ASTANA. KAZINFORM – Bul aptada kınoteatrlar repertýary túrli janrdaǵy jańa týyndylarmen tolyqty. Kórermen nazaryna otandyq tarıhı drama, otbasylyq komedııa, sheteldik fantastıka, trıllerler men anımatsııalyq fılmder usynyldy. Aptanyń kınopremeralaryn Kazinform tilshisiniń sholýynan oqyńyzdar.
Otandyq kınotýyndylar
ÁBІL
- Janry: drama
- Uzaqtyǵy: 120 mınýt
- El: Qazaqstan, 2026
- Rejısser: Elzat Eskendir
Qazaqstandyq rejısser Elzat Eskendirdiń «Ábil» dramasy kórermendi táýelsizdiktiń alǵashqy jyldaryna jeteleıdi. Fılm oqıǵasy 1993 jylǵy jekeshelendirý kezeńinde órbıdi. Keńes Odaǵy ydyrap, el jańa ekonomıkalyq júıege qadam basqan shaqta buryn memleket menshiginde bolǵan múlikter halyqqa úlestirile bastaıdy. Sol ózgeristerdiń ortasynda júrgen aýyl shopany Ábil de óz úlesin alýǵa úmittenedi. Alaıda ómir onyń josparyn múlde basqa arnaǵa burady.
BIShARALAR ÚNDІSTANDA: ANA ІZІMEN (Bısharashkı v Indıı: V poıskah mamy)
- Janry: shytyrman oqıǵa, komedııa, otbasy
- Uzaqtyǵy: 80 mınýt
- El: Qazaqstan, 2026
- Rejısser: Baqytjan Ýrahaev
Al rejısser Baqytjan Ýrahaevtyń «Bısharashkı v Indıı: V poıskah mamy» atty otbasylyq komedııasynda kórermendi jańa saıahat kútip tur. Bul joly Baıtemirdiń otbasy Úndistanǵa attanady. Barlyǵy Ádiletke kelgen jumbaq sálemdemeden bastaldy. Onyń shyǵý tórkinin týǵan anasymen baılanystyryp, shyndyqty bilgisi kelgen keıipker otbasyn Úndistanǵa saparǵa kóndiredi. Alda olardy qaýipti oqıǵalar men kútpegen jańalyqtar kútip tur. Bul sapar Ádilettiń ómirin túbegeıli ózgertýi múmkin.
Janrlar toǵysy
SÝPERQYZ (Sýpergerl)
- Janry: atys-shabys, shytyrman oqıǵa, ǵajaıyp
- Uzaqtyǵy: 108 mınýt
- El: AQSh, 2026
- Rejısser: Kreıg Gıllespı
Amerıkalyq «Sýpergerl» fantastıkalyq fılmi áıgili sýperqaharman Kara Zor-Eldiń oqıǵasyn baıandaıdy. Ǵaryshty Krıpto esimdi ıtimen birge sharlap júrgen keıipker qaraqshylar shabýylynan keıin jańa serigi Rýtımen kúsh biriktiredi. Ekeýi ádilet ornatyp, ótkenniń esesin qaıtarý úshin qaýipti juldyzaralyq saparǵa shyǵady.
KOLONIıA
- Janry: atys-shabys, qorqynysh
- Uzaqtyǵy: 122 mınýt
- El: Ońtústik Koreıa, 2026
- Rejısser: En San-ho
Ońtústik Koreıalyq rejısser En San-honyń «Kolonııa» fılmi qorqynyshty oqıǵalarǵa qurylǵan. Zerthanadan taraǵan qaýipti vırýs adamdardy qanisher zombıge aınaldyryp, qoǵamdy úlken apattyń arasynda qaldyrady.
ASh (Hungry)
- Janry: trıller
- Uzaqtyǵy: 93 mınýt
- El: Ulybrıtanııa, 2026
- Rejısser: Djeıms Nann
Ulybrıtanııalyq «Hungry» trılleriniń oqıǵasy Lýızıanadaǵy batpaqty aımaqta órbıdi. Demalysqa shyqqan bir top adam joldan adasyp, bosap ketken qutyrǵan sýsıyrdan aman qalýǵa tyrysady.
TÚNGІ KÁSІP (Nochnoı bıznes)
- Janry: atys-shabys, komedııa, trıller
- Uzaqtyǵy: 96 mınýt
- El: AQSh, Avstralııa, 2026
- Rejısser: Derrık Borte
«Nochnoı bıznes» ekshn-komedııasynda Los-Andjelestegi elıtalyq túngi klýb ıesi Mankonyń ómiri kórsetiledi. Sán-saltanat pen tabysqa toly tirshilik bir túnde astań-kesteń bolady. Klýbqa jasalǵan shabýyldan keıin qylmystyq toptyń iri qarjysy joǵalyp ketedi. Osydan soń keıipker óz otbasy men bedelin qorǵaý úshin kúresýge májbúr bolady.
TAÝYQ. KÚL-TALQAN (Kýrochka. Pýh ı prah)
- Janry: drama, otbasylyq
- El: Germanııa, Gretsııa, Vengrııa, 2025
- Rejısser: Derd Palfı
Al Germanııa, Grekııa jáne Vengrııa birlesip túsirgen «Kýrochka. Pýh ı prah» dramasy erkindikke umtylǵan taýyqtyń taǵdyryn baıandaıdy. Qus fermasynan qashyp shyqqan keıipker jańa ortada óz ornyn tabýǵa, mahabbat pen ádilet úshin kúresýge tyrysady.
Anımatsııalyq fılmder
Osy aptada kishkentaı kórermender úshin de birneshe jańa týyndy usynyldy.
ÚSh BATYR. ERLІKKE TOLY KÚNDER 3 (Trı bogatyrıa. Nı dnıa bez podvıga 3)
- Janry: shytyrman oqıǵa, mýltfılm
- Uzaqtyǵy: 67 mınýt
- El: Reseı, 2026
- Rejısser: Ekaterına Salabaı, Anna Mıronova
«Trı bogatyrıa. Nı dnıa bez podvıga 3» mýltfılminde úsh batyrdy taǵy da tynymsyz oqıǵalar kútip tur. Olar sıqyrly shyrshany qaıtaryp, ıÝlıı atty jylqyny arbaýdan qutqaryp, túrli qıyndyqtardy eńserýge májbúr bolady.
SIQYRLY ÁLEMNEN QAShÝ (Pobeg ız volshebnogo ızmerenııa)
- Janry: shytyrman oqıǵa, komedııa, mýltfılm, qııal-ǵajaıyp
- Uzaqtyǵy: 118 mınýt
- El: Qytaı, 2026
- Rejısser: Lın Hýeıda
Qytaılyq «Pobeg ız volshebnogo ızmerenııa» anımatsııalyq fılminde Braıar, Brambl jáne Vık esimdi dostar ańyzdaǵy Nıan qubyjyǵymen kezdesedi. Onyń kómegimen olar sıqyr men jumbaqqa toly erekshe álemge tap bolady.
JULDYZDY HANShAIYM TÝRALY AŃYZ (Legenda o zvezdnoı prıntsesse)
- Janry: mýltfılm
- Uzaqtyǵy: 82 mınýt
- El: Vengrııa, 2025
- Rejısser: Chobo Maalı, Jolt Paalfı
Al «Legenda o zvezdnoı prıntsesse» mýltfılmi baqyt izdegen jas hanzadanyń oqıǵasyn baıandaıdy. Sıqyrly sapar barysynda ol perilermen, mystandarmen jáne túrli tylsym keıipkerlermen kezdesip, mahabbat pen erliktiń shynaıy mánin túsinedi.
Ótken aptadaǵy kınopremeralar tizimin osy jerden kóre alasyzdar.
