Kıno jańalyqtary: otandyq alǵashqy boevık jaryq kórdi
ASTANA. KAZINFORM — Osy aptada otandyq kıno taǵy eki jańa týyndymen tolyqty. Kórermenge úsh maýsym boıy telehıkaıa retinde tanylǵan «Baja» endi tolyqmetrajdy fılm retinde úlken ekranǵa shyqty. Al «Shymyr» atty kıno týyndy kórermenge otandyq boevık retinde jol tartty. Bul Qazaqstanda túsirilgen alǵashqy ekshn-fılmderdiń biri.
Qazan aıynyń sońǵy aptasynda kınoteatrlarda túrli janrdaǵy onnan astam fılm men mýltfılmniń tusaýy kesildi. Kazinform tilshisi aptadaǵy kıno jańalyqtaryna sholý jasaıdy.
Baja kınoda
Janry: komedııa
Uzaqtyǵy: 100 mınýt
El: Qazaqstan, 2026
Rejısser: Oljas Nurbaı
Baha, Mýha jáne Tolık atty úsh baja kúndelikti ómirlerin súrip júredi: jumys, qańǵyrý jáne bitpeıtin«sharýalar». Jyldar boıǵy otbasylyq ómir men kúndelikti kúıbeń tirshilikten olardyń jubaılarymen aradaǵy qarym-qatynasy sýı bastaıdy. Kúıeýleriniń bundaı áreketterinen sharshaǵan úsh apaly-sińli táýipke júginip, jubaılarynyń ózgerýin tileıdi. Alaıda kóp uzamaı «minsiz kúıeý» baqytty otbasynyń kepili emes ekendigi belgili bolady. Al keıde eń qaýipti tilek – oryndalǵan tilek.
Shymyr
Janry: boevık, ekshn
Uzaqtyǵy: 90 mınýt
El: Qazaqstan, 2026
Rejısser: Anvar Matjanov
Shymyr traktorǵa qosalqy bólshek alý úshin qalaǵa kelip, áskerdegi dosy Eldostyń úıinde turaqtaıdy. Alaıda kóp uzamaı ol yqpaldy qylmystyq toppen qaqtyǵysqa tap bolady. Shymyr ádiletsizdikke kóz juma almaı, qylmyskerlerge qarsy kúreske aralasady. Jaýyngerlik tájirıbesine súıengen ol kúsh pen aqshaǵa sengen qarsylastaryna qarsy turady.
De Goll. 2-bólim. Bostandyq, (De Goll. Chast 2. Svoboda)
Janry: ómirbaıan, áskerı drama, tarıhı fılm
Uzaqtyǵy: 157 mınýt
El: Frantsııa, 2026
Rejısser: Antonen Bodrı
1940–1945 jyldary Frantsııa armııasynyń ofıtseri Sharl de Golldiń áskerı joly men saıası mansapqa qadam basýy.
Ara uıasynyń ashýy, (Gnev ýlıa)
Janry: krımınaldy trıller
Uzaqtyǵy: 130 mınýt
El: AQSh, Ulybrıtanııa, 2026
Rejısser: Endrıý Patterson
Ara sharýashylyǵymen aınalysatyn kásipker Amzaıa bir kezderi asyrap alǵan balalarynan aıyrylyp qalǵan edi. Arada kóp jyl ótken soń ol qyzy Katırımen qaıta tabysady. Ákeli-qyzdy ekeýi otbasylyq kásipti damytýǵa kirisedi. Alaıda bul istiń syrt kózge kórine bermeıtin qaýipti qyrlary bar bolyp shyǵady.
Joǵalǵan ýaqyt týraly ertegi, (Skazka o poterıannom vremenı)
Janry: shytyrman oqıǵaly, balalarǵa arnalǵan fılm
Uzaqtyǵy: 90 mınýt
El: Reseı, 2026
Rejısser: Andreı Nıkıforov
Petıa, Marýsıa men Vasıanyń mekteptegi qarapaıym kúni kútpegen oqıǵaǵa ulasady. Balalardyń ýaqytyn bosqa ótkizýin paıdalanǵan úsh qart sıqyrshy olardyń mınýttaryn urlap, jastyǵyn qaıtarmaq bolady. Biraq sıqyrly qurylǵyny qoldanǵanda qatelik jiberip, ózderi balaǵa aınalady, al oqýshylar bir sátte qartaıyp ketedi. Endi bárin burynǵy qalpyna keltirý úshin olar kún batqanǵa deıin sıqyrdy joıý kerek. Bul shytyrman oqıǵa balalarǵa ýaqyttyń ár sátin baǵalaýdyń qanshalyqty mańyzdy ekenin uqtyrady.
Kıt: Teńiz tuńǵıyǵyndaǵy túnek, (Kıt: Vo tme glýbın)
Janry: drama, trıller
El: AQSh, 2026
Rejısser: Braıan Daffıld
Kalıfornııada jas súńgýir Djeı Gardıner muhıt túbinen ákesiniń súıegin izdep júrip, alyp kashalotqa jutylyp ketedi. Onyń ottegi qory bir saǵatqa ǵana jetedi. Osy ýaqyt ishinde kıttiń ishinen shyǵýdyń amalyn tabýy kerek. Ómir úshin arpalysqan Djeı qorqynyshyn jeńip, ákesiniń rýhynan kúsh alady.
Keshki qońyraý, (Vechernıı zvonok)
Janry: melodrama
Uzaqtyǵy: 100 mınýt
El: KSRO, 1970
Oleg Boretskııdiń kınoklýby «Kezdeısoq kezdesý» taqyrybyn jalǵastyrady. Ómirimizdegi mańyzdy adamdy jolyqtyrýdyń róli qandaı? Taǵdyrymyz óz tańdaýymyzǵa qanshalyqty baılanysty? Tipti, daýysyn ǵana estip, qııalymyzda beınesin qalyptastyrǵan adamǵa ǵashyq bolý múmkin be?
Leverents. Qudiretti túnek, (Leverents. Bojestvennaıa tma)
Janry: derekti fılm, ómirbaıan, óner
Uzaqtyǵy: 70 mınýt
El: Shvetsııa, 2024
Rejısser: Sven Blýme
Sıgýrd Leverents — álemge tanylǵan shved sáýletshileriniń biri. Onyń tyń sheshimderi óz zamanynan ozyq boldy. Búginde ǵımarattary zamanaýı sáýlet úlgisi retinde baǵalanady, al eńbekteri sáýletshilerdi daıarlaý baǵdarlamasyna engen. Ol qurylys júıelerin tereń meńgerip, jobanyń ár bólshegine deıin ózi qadaǵalaǵan. Sol sebepti ony keıde «skandınavııalyq Gaýdı» dep ataıdy. Buryn jarııalanbaǵan arhıvtik beınejazbalar men aýdıomaterıaldar qamtylǵan bul derekti fılm sáýletshiniń ómiri men eń mańyzdy týyndylary týraly baıandaıdy.
Ford
Janry: drama
Uzaqtyǵy: 146 mınýt
El: Norvegııa, Rýmynııa, Shvetsııa, Fınlıandııa, Danııa, Frantsııa, 2026
Rejısser: Krıstıan Mýndjıý
Norvegııanyń ford jaǵasyndaǵy shaǵyn aýylǵa Rýmynııadan bir otbasy kóship keledi. Olar jergilikti turǵyndarmen tez til tabysady. Eki otbasynyń balalary da jaqyn dosqa aınalady. Alaıda rýmyn qyzy mektepke denesinde kógergen izdermen kelgende, aýyldyń tynyshtyǵy buzylyp, el arasynda kúdik pen úreı týdyratyn áńgimeler taraı bastaıdy.
Qozy Shon men Túkti qubyjyq, (Barashek Shon ı Chýdışe Lohmatoe)
Janry: komedııa, mýltfılm, otbsylyq
Uzaqtyǵy: 91 mınýt
El: Ulybrıtanııa, 2026
Rejısser: Stıv Koks, Mettıý Ýoker
Mossı-Bottom fermasynda úlken másele týyndaıdy. Olaq fermer asqabaqtyń búkil ónimin qurtyp, qaladaǵy merekeni ótkizýge kedergi keltiredi. Qozy Shon jaǵdaıdy túzetý úshin ǵylymnyń kómegine júginedi. Biraq tájirıbesi sátsiz aıaqtalyp, fermer joǵalyp ketedi. Al ormanda túkti qubyjyq paıda bolady. Endi Shon, Bıttser ıti men qoılar fermany qutqaryp, qubyjyqtyń syryn ashýy kerek.
Jyrtqyshtyń aınalymy, (Tsıkl zverıa)
Janry: mıstıkalyq horror
Uzaqtyǵy: 118 mınýt
El: Ulybrıtanııa, 2026
Rejısser: Djordan Daýnı
Sot antropology Meg Garland ólilerdiń qupııasyn ashýǵa daǵdylanǵan. Alaıda jańa is ony óz ótkenine qaıta oralýǵa májbúr etedi. Ákesi iz-túzsiz joǵalǵannan keıin qyryq jylǵa jýyq ýaqyt ótkende, onyń máıiti qatygez kisi óltirý oqıǵasy bolǵan jerden tabylady. Biraq ólimniń mán-jaıyn aqylǵa salyp túsindirý múmkin emes. Tergeý barysynda Meg ákesiniń ózimen birge kórge ala ketken sumdyq qupııasyna tap bolady.
Sınıster. Óliler úıi, (Sınıster. Dom mertvyh)
Janry: horror
Uzaqtyǵy: 106 mınýt
El: Indonezııa, 2026
Rejısser: Bobbı Praseto
Tarı qyzymen birge eski úıdi retke keltirý úshin kóship keledi. Buǵan deıin birneshe rıeltor úıdi satýǵa tyrysqanymen, eshqaısysynyń qolynan kelmegen. Jurt bul úıdi qarǵys atqan dep sanaıdy. Óıtkeni munda qonystanǵan jyn kúshine mingen álsiz jandardy bılep-tóstep, ásirese balalardyń janyn torýyldaıdy. Qyzyn qutqaryp, jynnan arylý úshin Tarı óliler álemine attanýǵa májbúr bolady.
Sońǵy qarǵys, (Poslednee proklıatıe)
Janry: ýjas
Uzaqtyǵy: 94 mınýt
El: Japonııa, Taıvan, 2025
Rejısser: Kenıtı Ýgana
Sulýlyq salonynyń ákimshisi Rıko qurbysy Shý-Fenniń áleýmettik jelidegi jazbalarynan kúmándi jaıttardy baıqaıdy. Birneshe adamnyń jumbaq jaǵdaıda qaza tabýynan keıin ol Taıvanǵa attanady. Sol jerde burynǵy jigitimen jáne Shý-Fenniń ápkesimen birge el ishin dúrliktirgen qorqynyshty oqıǵalardyń syryn ashýǵa kirisedi.
Ańdar alamany, (Zverodvıj)
Janry: anımatsııa, shytyrman oqıǵa, balalarǵa arnalǵan fılm
Uzaqtyǵy: 79 mınýt
El: Qytaı, 2025
Rejısser: Gý ıAnmeı, Van ıÝntszıan
Djı men Navı ýaqyt mashınasyn taýyp alady. Al Navıdiń ákesi, aty ańyzǵa aınalǵan júırik Galýny qutqarý úshin tańǵajaıyp saparǵa attanady. Olardy sýasty álemi, jyrtqysh ańdar men dınozavrlar dáýiri kútip tur. Aldarynan túrli tuzaqtar kezdesip, bastarynan qyzyqty oqıǵalar ótedi.
