Kıno jańalyqtary: Osy aptada qandaı fılmder prokatqa shyqty
ASTANA. KAZINFORM — Osy aptada otandyq kınoqorjyn tórt birdeı jańa týyndymen tolyqty. Olardyń basym bóligi — drama janrynda. Jalpy, qyrkúıek aıynda prokatqa shyǵatyn otandyq fılmder kóp. Al sheteldik kınolar qatarynda kórermenge qorqynyshty jáne shytyrman oqıǵaǵa toly týyndylar usynyldy.
Kazinform tilshisiniń sholýynda osy aptadaǵy eń basty kınopremeralardy usynamyz.
Jaryǵym-aı
Janry: drama
Uzaqtyǵy: 90 mınýt
El: Qazaqstan, 2026 jyl
Rejısseri: Serjan Serikbaev
Berik alty jasar qyzyn qatty qorǵaıdy. Ol qyzynyń názik júregin jaralaýdan qorqady. Sondyqtan eń aýyr shyndyqty jasyryp qalady. Biraq ýaqyt ótken saıyn ótiriktiń salmaǵy arta túsedi. Bul jaǵdaı ákesi men qyzyn tyǵyryqqa tireıdi. Endi Berik tańdaý jasaýy kerek: ol qyzyna shyndyqty aıtady nemese ótirigin jalǵastyrady.
Qara altyn
Janry: drama
Uzaqtyǵy: 130 mınýt
El: Qazaqstan, 2026 jyl
Rejısseri: Murat Esjan, Jánibek Áliken
Qazaqstan, 1992 jyl. Keńes Odaǵy ydyraǵannan keıin elde ekonomıkalyq daǵdarys kúsheıdi. Qurylys holdınginiń basshysy Qasym Isaǵalıev munaı salasyna bet burýdy sheshedi. Oǵan bul baǵytty geolog seriktesi usynady. Qasym memleket tıimsiz dep tanyǵan eki munaı ken ornyn ıgerýge lıtsenzııa almaq bolady. Alaıda jańa salada qıyndyq kóp. Qarjy tabý, ınvestorlarmen kelissóz júrgizý jáne tájirıbeniń joqtyǵy Qasymǵa kedergi keltiredi. Eń basty suraqtyń jaýaby da belgisiz. Daýly ken oryndarynda munaı qory jetkilikti me?
Búrkitshi
Janry: drama, krımınal
Uzaqtyǵy: 117 mınýt
El: Qazaqstan, 2026 jyl
Rejısseri: Kýanysh Stahanov
Ańǵa shyqqan búrkitshi Talǵat aýyl mańyndaǵy jartas túbinen jas qyzdyń máıitin taýyp alady. Ol polıtsııa qyzmetkeri Álııamen birge ólimniń qupııasyn ashýǵa kirisedi. Tergeý kezinde aýylda jasóspirimderdiń buǵan deıin de joǵalyp, kisi qolynan qaza tapqany anyqtalady. Іs Talǵattyń qandy kegine ulasady.
4 páter
Janry: komedııa, krımınal
Uzaqtyǵy: 67 mınýt
El: Qazaqstan, 2026 jyl
Rejısseri: Marlen Keıkıshev
«4 páter» — bir úıde turatyn adamdardyń hıkaıasy. Olar ortaq qabyrǵa arqyly birge qıyndyqtary, qorqynyshtary men armandaryn da bólisedi. Fılmde ázil men drama ushtasady. Qalanyń qarbalas tirshiligi adamdardyń eseıip, bir-birine qoldaý kórsetýi týraly jyly oqıǵaǵa aınalady. Tipti eń ý-shý sátterdiń ózinen jaryq sáýle tabýǵa bolatyny kórsetiledi.
Sońǵyp shep, (Poslednıı rýbej)
Janry: ekshn, áskerı, drama, tarıhı
Uzaqtyǵy: 103 mınýt
El: AQSh, 2026 jyl
Rejısseri: Rod Lýrı
Ardenna operatsııasy kezinde jaralanǵan amerıkalyq sarbaz nemis áskeriniń tylynda qalyp qoıady.
Ushaq apaty, (Krýshenıe reısa)
Janry: ekshn, drama, qorqynyshty fılm, trıller
Uzaqtyǵy: 110 mınýt
El: Ispanııa, Jańa Zelandııa, AQSh, Qytaı, 2026 jyl
Rejısseri: Rennı Harlın
Ushaq apatynan aman qalǵan jolaýshylar muhıttyń ortasynda qalady. Muzdaı sýǵa túsken olar ushaq synyqtaryna jarmasyp, ómir úshin arpalysady. Osy sátte ash akýla toby olardy torýyldaı bastaıdy. Qutqarylýǵa úmiti azaıǵan jolaýshylar ómir úshin sońyna deıin kúresedi.
Ýtopııanyń kúshi: Chandıgarhtaǵy Le Korbıýze, (Sıla ýtopıı: Le Korbıýze v Chandıgarhe)
Janry: derekti, óner
Uzaqtyǵy: 85 mınýt
El: Shveıtsarııa, 2026 jyl
Rejısseri: Karın Býher, Tomas Karrer
Úndistan táýelsizdik alǵannan keıin Pendjabtyń burynǵy astanasy Lahor Pákistan aýmaǵynda qaldy. Sondyqtan jańa astana salý qajet boldy. Gımalaı bókterinde Chandıgarh qalasy boı kóterdi. Ol jańa Úndistannyń demokratııasy men progresiniń sımvoly bolýy tıis edi. Qala jobasyna amerıkalyq sáýletshi Albert Maıer men frantsýz-shveıtsarııalyq sáýletshi Le Korbıýze qatysty. Le Korbıýze Chandıgarhta óziniń qala qurylysy ıdeıalaryn júzege asyrdy. Ol adamǵa qolaıly, ádiletti ári tabıǵatpen úılesimdi zamanaýı qala qurýdy kózdedi.
Ǵajaıyp jaratylystar, (Ýdıvıtelnye sýşestva)
Janry: shytyrman oqıǵa,
Uzaqtyǵy: 120 mınýt
El: Aýstralııa, AQSh, 2026 jyl
Keıde túsinistik pen jaqyndyqty biz ony bere alatyn adamdardan emes, basqa bireýden izdeımiz. Alaıda adam — tańǵajaıyp jaratylys. Ol jalǵyzdyq pen ómirdiń birsaryndy tirshiliginen arylyp, taǵdyr jolyqtyrǵan jannyń qasynan tynyshtyq taba alady.
Astral. Elestiń sybyry, (Astral. Shepot prızraka)
Janry: horror
Uzaqtyǵy: 80 mınýt
El: Ońtústik Koreıa, 2026 jyl
Rejısseri: Kım Hen-djýn
Sý dostarymen birge 25 jasqa tolǵan kúnin atap ótý úshin aralǵa attanady. Alaıda mereke kútpegen oqıǵadan keıin tozaqqa aınalady. Aman qalǵandar endi tylsym qara kúshtermen betpe-bet keledi.
Úmit, (Nadejda)
Janry: ekshn, fantastıka
Uzaqtyǵy: 161 mınýt
El: Ońtústik Koreıa, 2026 jyl
Rejısseri: Na Hon-djın
Shaǵyn qalanyń turǵyndary belgisiz qaýipke tap bolady.
Týrbýlenttilik, (Týrbýlentnost)
Janry: ekshn, shytyrman oqıǵa, drama, fentezı, trıller
Uzaqtyǵy: 91 mınýt
El: Ulybrıtanııa, AQSh 2026 jyl
Rejısseri: Klaýdıo Fah
Zak pen Emmı qarym-qatynastaryn jańǵyrtý úshin Italııadaǵy Dolomıt Alpilerine áýe sharymen saıahatqa shyǵady. Olarǵa tájirıbeli nusqaýshy Garrı men beıtanys Djýlııa qosylady. Djýlııanyń Zaktyń ótkenimen baılanysy bar. Kóp uzamaı romantıkalyq sapar ómir úshin kúreske aınalady.
Praktıkalyq sıqyr 2, (Praktıcheskaıa magııa 2)
Janry: komedııa, drama, fentezı
Uzaqtyǵy: 125 mınýt
El: AQSh, 2026 jyl
Rejısseri: Sıýzanna Bır
Baqsy áıelder áýleti ǵasyrlar boıy qarǵys qursaýynda ómir súrip keledi. Qarǵys áýlet múshelerin baqytsyz mahabbatqa dýshar etedi. Olar sıqyrdy buzýǵa bel býady. Ol úshin otbasynyń qaraly qupııalaryn ashyp, bir-biri úshin eń qymbatynan bas tartýǵa týra keledi.
Ótken aptadaǵy kınopremeralar tizimin osy jerden kóre alasyzdar.
