Kıno túsirý alańynda jumys istegen 12 aýdarmashy amerıkalyqtarmen erip ketip qaldy - Gúlnar Sársenova
NUR-SULTAN. QazAqparat - Kıno túsirý alańynda jumys istegen 12 aýdarmashy amerıkalyqtarmen erip ketip qalǵan. Bul týraly «Ulttyq kınony qoldaý ortalyǵy» kommertsııalyq emes aktsıonerlik qoǵamynyń qyzmetine arnalǵan baspasóz konferentsııasynda aıtyldy, dep habarlaıdy QazAqparat tilshisi.
«Biz mán beretin besinshi baǵyt - bilim. Kınematografııa salasynda jumys isteıtinderdiń biliktiligin arttyrý kerek. Kıno - joǵary tehnologııany qoldanatyn, qymbat turatyn protsess. Fılm túsirýge akterlerli qosqanda 100-200 aralyǵynda adam eńbek etedi. Qazaqstandyq fılmderdi de arnaıy oqý ornynda bilim alǵan, óz isiniń mamany túsirýi kerek», - deıdi «Ulttyq kınony qoldaý memlekettik ortalyǵynyń» basqarma tóraıymy Gúlnar Sársenova.
Ol eger biz basqa da memleketter úshin kıno alańy retinde ashyq bolsaq, aǵylshyn tilin meńgerýimiz kerek ekenin aıtty.
«7-8 jyl buryn elimizde «Marko Polo» fılmi túsirildi. Qazaqstandyq top 15 adamnan turdy. Kıno túsirý alańynda 12 aýdarmashy boldy. Keıin sol 12 aýdarmashy amerıkalyqtarmen ketip qaldy. Olar osy salany jaqsy kórip qalǵan jáne til biletinderin paıdalanyp sheteldiktermen jumys istep kórýge sheshim qabyldaǵan. Bizdiń ortalyq aǵylshyn tilinde kıno tilin úıretetin kýrs ashty. Bizdiń akterler de aǵylshyn tilin meńgerýi kerek. Aǵylshyn tilin bilmeý - olardyń jolyn jabady», - deıdi ol.
