Kıno salasynyń qarqyndy damýynda kınofestıvalderdiń atqarar róli zor - Elbasy
Bul týraly QR Prezıdenti Nursultan Nazarbaevtyń keshe ashylǵan H «Sháken juldyzdary» Almaty halyqaralyq kınofestıvaline joldaǵan quttyqtaýynda aıtyldy. Quttyqtaýdy festıvaldiń qatysýshylary men qonaqtaryna QR Mádenıet jáne aqparat mınıstri Darhan Myńbaı oqyp berdi.
Elbasy: «Kıno salasynyń qarqyndy damýynda kınofestıvalderdiń atqarar róli zor. Osymen 10-ret ótkizilip otyrǵan «Sháken juldyzdary» kınofestıvali óz elimizde ǵana emes, alys-jaqyn shet elderge de jas kınematogrofıster shyǵarmashylyǵynyń jáne debıýttik kınonyń kınofestıvali retinde tanymal bola bastady», - degen quttyqtaýynda. Sondaı-aq «el erteńi sanalatyn jastardyń shyǵarmashylyq belsendiligin arttyryp, kásibı áleýetterin shyńdap, daryndy jas býyn shyǵarmashylyǵynyń ósýine múmkindik beretinin, bul sharanyń dástúrli ótýine memleket árdaıym qoldaý kórsetip kele jatqanyn» atap ótken. Festıval aıasynda kórermenniń kózaıymy bolǵan týyndylardyń ultymyzdyń mereıin asqaqtatar rýhanı qazynamyzǵa aınalǵanyna jáne otandyq kıno óneriniń básekege qabilettigin odan ary arttyra túsetinine senimin bildirgen.
