Kıno óndirisin qoldaý jalǵasatyn bolsa, «Qazaqfılm» jańa deńgeıge shyǵatyn bolady - M. Qul-Muhammed
ASTANA. Qańtardyń 25-i. QazAqparat /Rýslan Ǵabbasov/ - Kıno óndirisin damytý salasynda úlken nátıjege qol jetkizildi. ıAǵnı kóptegen kınolar jaryq kórdi.
Bul týraly búgin Astanada ótken alqa májilisinde Mádenıet jáne aqparat mınıstri Muhtar Qul-Muhammed málim etti, dep habarlaıdy QazAqparat.
Mınıstr ótken jyly ekranǵa shyqqan jańa fılmder men óndiriske alynǵan jańa kartınalar jaıynda toqtalyp ótti. Mınıstrdiń aıtýynsha, qazirgi kezde «Qazaqfılm» ulttyq kınostýdııasyn jabdyqtaý jumystary júrgizilýde. Ǵımarattarǵa kúrdeli jóndeý jumystary negizinen aıaqtalyp, túsirý, montaj jáne dybys jazý stýdııalary men jańa keshendi sandyq quraldarmen jabdyqtaý iske asyrylýda. «Ózińiz bilesiz, Kárim Qajymqanuly, ótken jyly Siz «Qazaqfılmge» kelgen kezde, ádette biz Úkimet basshysy kelerdiń aldynda bárin jamap-jasqap, jóndep barlyǵyn jaqsy dep shyǵaryp salatyn edik. Alaıda, biz Sizge «Qazaqfılmniń» múshkil jaǵdaıyn kórsettik. Endi Úkimettiń qoldaýynyń arqasynda «Qazaqfılmdi» jańǵyrtý jumysy negizinen aıaqtalyp keledi», dedi M. Qul-Muhammed.
Mınıstr eger bıyl taǵy da sondaı qoldaý jalǵasatyn bolsa, kelesi jyly kıno óndirisi múldem jańa deńgeıge shyǵatynyn atap ótti.
