Kıno álemindegi jańa taqyryptar: Aptadaǵy premeralar toptamasy

QAÝІPTІ QATYNAS (Opasnye otnoshenııa)

Janry: atys-shabys, komedııa, trıller
Uzaqtyǵy: 105 mınýt
El: AQSh, 2026
Rejısser: Iorma Takkone

Erli-zaıyptylar tynyǵyp, ýaqytty birge ótkizý úshin ońasha lashyqqa keledi. Alaıda jaıly demalys kóp uzamaı qaýipti oqıǵaǵa ulasady. Sebebi olardyń árqaısysy seriginen qutylýdy jasyryn josparlap júrgen bolyp shyǵady. Biraq úıge qaraqshylar basyp kirgen kezde, ekeýi de aman qalý úshin kúsh biriktirýge májbúr bolady. Osylaısha olardyń qarym-qatynasy kútpegen synaqqa tap bolady.

ÓSh 2: QARYNDAS

Janry: drama, trıller
Uzaqtyǵy: 89 mınýt
El: Qyrǵyzstan, 2026
Rejısser: Ilgız Kývatbek, Shamılbek Bekbolsýn ýýlý

2000 jyldardyń basynda shalǵaı qalada kóshe qylmysyn baqylaýda ustaıtyn Maqsattyń qaryndasyn urlap ketedi. Bul oqıǵa onyń ómirin túbegeıli ózgertedi. Baılanys pen aqsha bılegen qalada Maqsat ádildikke jetýdiń óz jolyn tańdaýǵa májbúr bolady. Fılm – kek alýǵa bel býǵan baýyrdyń qaryndasyn qutqarý jolyndaǵy kúresi týraly hıkaıa.

JDÝN 2

Janry: komedııa, qııal-ǵajaıyp, otbasy
Uzaqtyǵy: 98 mınýt
El: Reseı, 2026
Rejısser: Dmıtrıı Sývorov

Jdýn esimdi ǵaryshtyq keıipkerdiń shytyrman oqıǵasy jalǵasady. Bul joly ol Jerge qaıta oralyp, jazǵy lagerde demalyp júrgen dosy Nıkıtany kútip turǵan qaýip týraly eskertýge keledi. Ǵaryshtaǵy zulym kúshter Jerge shabýyl jasaýdy josparlap júr. Eger olardyń oıy júzege assa, bul jer turǵyndary úshin úlken apatqa aınalýy múmkin. Nıkıta dostarymen birigip, kútpegen qonaqtarǵa qarsy turýǵa májbúr bolady. Olardy qaýipti joldar, aılaker tuzaqtar men tosyn kezdesýler kútip tur.

QOILARDYŃ TERGEÝІ (Sledstvıe vedýt ovechkı)

Janry: detektıv, komedııa, qııal-ǵajaıyp
Uzaqtyǵy: 109 mınýt
El: Irlandııa, Ulybrıtanııa, Germanııa, AQSh, 2026
Rejısser: Kaıl Balda

Bul tapqyr detektıv hıkaıasynyń basty keıipkeri – Djordj esimdi qoıshy. Ol ár kesh saıyn súıikti qoılaryna detektıvtik romandar oqyp beredi. Alaıda bir kúni fermadaǵy tynysh tirshilikti jumbaq oqıǵa buzady. Sol sátten bastap qoılar ózderiniń de naǵyz detektıv bola alatynyn túsinedi. Olar túrli izderdi zerttep, qupııa oqıǵalardyń sheshimin tabýǵa kirisedi. Osylaısha qoılar da tapqyr iz kesýshi bola alatynyn dáleldeýge tyrysady.

ONO. ZULYMDYQ ÚIІ (Ono. Dom zla)

Janry: qorqynysh
Uzaqtyǵy: 105 mınýt
El: Kanada, 2025
Rejısser: Brendon Krıstensen

Eki polıtseı turmystyq daýdy tergeýge keledi. Tergeý barysynda jazataıym oq atylady. Jurttyń synynan keskengen polıtseıler bolǵan jaǵdaıdy jasyryp qalýǵa tyrysady. Biraq olardy kameralardan da ózge ańdyp turǵan nárseler bar edi.

MANGYSHLAQ EXPRESS. POIYZDAǴY PANIKA

Janry: Komedııa
Uzaqtyǵy: 80 mınýt
El: Qazaqstan, 2026
Rejısser: Maqsat Ospanov

Sholpan – aınalasyndaǵy adamdarǵa únemi jaqsylyq jasaýǵa tyrysatyn, tym jumsaq ári kónpis, poıyz jolserigi bolyp jumys isteıtin qyz. Onyń árkimge unaýǵa tyrysatyn minezi talaı ret ózine zııanyn tıgizgen. Kúnderdiń birinde Sholpan dosyna kómektesý úshin onyń ornyna Almaty – Mańǵyshlaq baǵyty boıynsha júretin reıske jolserik bolyp shyǵýǵa kelisedi. Onyń vagonyna ártúrli jolaýshylar minedi: qylmyskerdi alyp bara jatqan polıtseıler, sheteldik týrıster, demobılızatsııalanǵan sarbaz, qart áıel, balaly otbasy, shýly mýzykanttar jáne Dýman esimdi jigit. Syrttaı qaraǵanda bul – qarapaıym sapar sııaqty kórinedi. Alaıda kóp uzamaı Sholpan jolaýshylardyń arasynda qyzmetin tekserip júrgen jasyryn revızor bar ekenin biledi. Kim revızor ekenin anyqtaýǵa tyrysqan Sholpan óz betimen tergeý júrgize bastaıdy. Biraq birtindep ol kútkeninen áldeqaıda qaýipti qupııalarǵa tap bolady. Poıyzdaǵy sapar shıelenisken, oqıǵalarǵa toly avantıýralyq oıynǵa aınalyp, ár jolaýshy taǵdyryn ózgertetin oqıǵalarǵa aralasady.

KÚTPEGEN BAILANYSTAR 2 (Neojıdannye svıazı 2)

Janry: komedııa
Uzaqtyǵy: 91 mınýt
El: Frantsııa, 2026
Rejısser: Jıýlen Erve

Alısa men Fransýanyń úılený toıy aldynda genetıkalyq test nátıjesi olardyń ákeleriniń shyǵý tegine qatysty kútpegen qupııany ashady: ekeýiniń de tamyry Frantsııadan tys jerlerge baryp tireletini belgili bolady. Bul jańalyqtan eseńgiregen er adamdar óz otbasylarynyń tarıhyn zertteýge kirisedi.

JYRTQYShPEN AIQAS (Boı so zverem)

Janry: boevık, drama, sport
Uzaqtyǵy: 114 mınýt
El: AQSh, Avstralııa, 2026
Rejısser: Taıler Etkıns

Oktagonnan uzaq jyldar boıy alysta bolǵan MMA-nyń burynǵy chempıony Petton Djeıms baýyry úshin kek alý maqsatynda kásibı sportqa qaıta oralýǵa májbúr bolady. Bir kezderi ony ańyzǵa aınaldyrǵan jattyqtyrýshysymen qaıta qaýyshqan ol sońǵy jekpe-jekke bel býady – álemniń kóz aldynda Djeımsti joıyp jiberýge daıyn turǵan qazirgi chempıonmen qatal aıqasqa túsedi. Shegine jetken Petton bul joly tek onyń ómiri ǵana emes, búkil murasy da synǵa túsip turǵanyn túsinedi.

Ótken aptadaǵy kınopremeralar tizimin osy jerden kóre alasyzdar.