«Kıng Kong», «Jyrtqysh», «Pıanıst» fılmderinde basty rolderdi oınaǵan amerıkandyq ártis Edrıan Broýdı Astanada boldy
ASTANA. Qyrkúıektiń 20-sy. QazAqparat /Gúlmıra Álıakparova/ - Búgin Astanada amerıkandyq ártis, «Oskar» syılyǵynyń ıegeri, «Kıng Kong», «Jyrtqysh», «Pıdjak», «Pıanıst» fılmderinde basty rolderdi somdaǵan Edrıan Broýdı boldy.
E.Broýdı, aldaǵy qazan aıynyń 18-20 kúnderi Astanada ótetin Búkilálemdik Rýhanı mádenıeti forýmynyń qatysýshylarynyń biri jáne ol osyǵan oraı baspasóz máslıhatyn berý úshin bas qalamyzǵa arnaıy atbasyn tiredi.
E.Broýdı, osydan birneshe aı buryn Astanada ótken Ekshn-fılmderdiń halyqaralyq festıvalynda bolǵanyn jáne ony jergilikti halyqtyń asqan qonaqjaılyǵy tańqaldyrǵanyn atap ótti. Sonymen birge, Qazaqstanda onyń kınoındýstrııadaǵy ártis retindegi rólin baǵalaıtyndarǵa rızalyǵyn bildirdi.
«Meniń Búkilálemdik Rýhanı mádenıeti forýmyna qatysýǵa shaqyrý alǵanymnyń sebebi de, kınoındýstrııanyń da rýhanı mádenıetke qatysynyń bar bolǵanynda. Biz bir-birimizdiń isimizge aralaspaı tura almaımyz. Sebebi, bizdiń álem tym kishkentaı. Bul álemde barlyǵy ózara baılanysty. Onyń ishinde bizdiń mádenıetimiz de bar. Aldaǵy forým - osy ıdeıany bútin dúnıege taratýǵa qandaı da bir yqpalyn tıgize alatyn adamdardyń basyn qosýǵa baǵyttalǵan. Sonymen birge, forýmǵa jastar men stýdentter qatysatyny mańyzdy. Sebebi, atalmysh ıdeıalarmen jáne qaǵıdattarmen ómir súretin osy - jastar. Solardyń rýhanı mádenıet týraly túsinigi boıynsha bolashaq qalyptasady», - dedi ol.
