Kınematografııaǵa bólinetin aqsha sapaly ónimge jumsalýy qajet - Elbasy
ASTANA. QazAqparat - Kınematografııaǵa bólinetin aqsha sapaly ónimge jumsalýy qajet. Bul týraly búgin 6-shy shaqyrylǵan QR Parlamentiniń úshinshi sessııasynyń ashylýynda sóz sóılegen Elbasy Nursultan Nazarbaev aıtty, dep habarlaıdy QazAqparat.
«2018 jyly qoǵamdy rýhanı jańǵyrtýmen baılanysty birqatar baǵyt bastaý alady. Birinshiden, biz qoǵamdyq sanany jańǵyrtý boıynsha jumystardy bastadyq. Sondyqtan bizge ózgeniń eskirgen dogmasyna jabysýdyń qajeti joq. Bizdiń ózimizdiń tájirıbemiz, qundylyqtarymyz, damý jolymyz bar. Mádenıet salasy aıryqsha mánge ıe. Sondyqtan bul saladaǵy zańnamany jetildirý talap etiledi. Atap aıtqanda, zań jobalaý jumysymyzdyń josparynda birinshi ret kınematografııa týraly zańdy qabyldaý bar. Bul rette otandyq kınoındýstrııany odan ary damytý úshin kontseptýaldy negizderdi aıqyndaý qajet», - dedi Elbasy.
Osy oraıda Memleket basshysy sońǵy jyldar ishinde otandyq telearnalar men kınostýdııalar bul baǵytta belsendilik tanyta bastaǵandyǵyn aıryqsha atap ótti.
«Kınematografııaǵa bólinetin aqsha sapaly ónimge jumsalýy qajet. Fılmderdiń sanyn qýýdyń esh qajeti joq», - dedi Nursultan Nazarbaev.
