Kinder Surprise jumyrtqasyn oılap tapqan Ýılıam Salıs qaıtys boldy
ASTANA. QazAqparat - Italııada 83 jasynda Kinder Surprise jumyrtqasyn oılap tapqan Ýılıam Salıs qaıtys boldy, dep jazdy Corriere Della Serra basylymy.
Salıs beısenbi, 29 jeltoqsanda Italııanyń soltústiginde Pavııa qalasyndaǵy klınıkada kóz jumdy.
Basylymnyń anyqtaýynsha, ol 1960 jyly kondıterlik Ferrero kontserniniń komandasyna qosylǵan jáne onyń qojaıyny Mıkele Ferreronyń oq qolyna aınalǵan.
1970 jyldary jumyrtqaǵa sıýrprız jasaý ıdeıasy týǵan. Osylaısha Kinder Surprise dúnıege keldi.
Ferrero kontserni jyl saıyn 100 mıllıonǵa jýyq Kinder Surprise jumyrtqasyn satady.
2007 zeınetke shyqqannan keıin Salıs kompanııany tastady.
