Kinásiz adamdy 25 jylǵa túrmege otyrǵyzǵan prokýror 10 kúnge túrmege qamaldy
ASTANA. 10 qarasha. QazAqparat - AQSh-ta kinásiz adamdy 25 jylǵa sottaǵany úshin prokýror 10 kúnge túrmege qamaldy.
Sot anyqtaǵandaı, Tehas shtatynyń aımaqtyq prokýrory Ken Anderson sottalǵan Maıkl Mortannyń áıeliniń ólimine qatysy joqtyǵyn rastaıtyn dálelderdi jasyryp qalǵan.
Kinásiz er adamdy 1987 jyly túrmege qamaǵan. Ol tek 2011 jyly DNQ saraptamasy júrgizilip, kisi óltirýge qatysy joq ekeni dáleldengen soń ǵana bosatylǵan.
Prokýror sotta Mortannan keshirim surady. Anderson 10 kúnge túrmege qamaldy jáne oǵan 500 saǵat túzetý jumystary jáne 500 dollar aıyppul jazasy kesildi. Sondaı-aq, zańgerlik tájirıbe júrgizýge tyıym salyndy.
