Kimniń jankúıeri kóp: Otgontsetseg Galbadrah kósh bastady
ASTANA. QazAqparat - Qazaqstan Respýblıkasy Ulttyq Olımpıadalyq komıteti men «Habar» agenttigimen birlesip «Jyldyń Ulttyq sporttyq júldesi» baıqaýyn ótkizýde. Úmitkerler daýys berý nátıjesinde anyqtalatyn bolady, dep habarlaıdy QazAqparat tilshisi.
Ulttyq baıqaýdyń úmitkerleri arasynda qazaqstandyq sportshy, dzıýdoshy Otgontsetseg Galbadrah 5708 daýys jınap kósh bastap keledi.
Al «Qysqy sport túrleri boıynsha úzdik sportshy» baıqaýynda ázirge eń kóp upaıdy Frıstaıl-akrobatıkadan Janbota Aldabergenova ıelenýde. Ol ázirge 3173 daýys jınaǵan.
«Úzdik jas sportshy» ataǵyna úmitkerler arasynda mánerlep syrǵanaýshy Elızabet Tursynbaeva 2681 daýyspen alda kele jatyr. Sonymen qatar «Jazǵy sport túrleri boıynsha úzdik jattyqtyrýshy» ataǵyna úmitkerler arasynda bokstan Qazaqstan ulttyq quramasynyń bas bapkeri Myrzaǵalı Aıtjanov 595 daýyspen birinshi orynda tur. «Qysqy sport túrleri boıynsha úzdik jattyqtyrýshy» ataǵyna úmitkerlerden short-trek quramasynyń bas jattyqtyrýshysy Madyǵalı Qarsybekov 1158 daýyspen qarsylastarynan oq boıy ozyq tur.
«Olımpıadalyq sport túrleri boıynsha úzdik federatsııa» nomınatsııasy boıynsha Qazaqstan boks federatsııasy 1541 daýyspen birinshi orynda kele jatsa, «Úzdik sporttyq óńirler» (respýblıkalyq mańyzy bar qalalar, oblystardyń dene shynyqtyrý jáne sport basqarmalary) arasynda Almaty qalasy dene shynyqtyrý jáne sport basqarmasy 9364 daýys jınap ózge óńirlerden ozyp tur. Al «Jyl jańalyǵy» baıqaýy boıynsha jeńil atlet Marııa Ovchınnıkova 591 daýs jınap birinshi orynda keledi. Al sońǵy «Jyldyń úzdik komandasy» nomınatsııasy boıynsha «Astana fýtbol klýby» 1046 daýyspen kósh bastap keledi.
Sportshylarǵa daýys berý qarasha aıynyń sońyna deıin jalǵasady. Óz jankúıerińizge olympic.kz/kk/awards siltemesine ótý arqyly daýys bere alasyz.
