Kimge qarsy ekendigin bilmeımin, biraq Golovkın jyl sońyna deıin bir jekpe-jek ótkizedi - Sanches
ASTANA. QazAqparat - WBA (Super), IBO, WBC ı IBF nusqalary boıynsha orta salmaqtaǵy álem chempıony qazaqstandyq Gennadıı Golovkınniń (36-0, 33 KO) bapkeri Abel Sanches óz qaramaǵyndaǵy boksshynyń kezekti qarsylasynyń kim ekendigin aıtýǵa qınaldy, dep jazady vesti.kz.
«Biz de, jankúıerler de onyń bolǵanyn qalaǵanymyzben ótýi neǵaıbil.
Denıel Djeıkobs mindetti bolyp sanalady jáne WBA arasynda bul jóninde jazylǵan da. Men bul aıqastyń ótetindigin bilmeımin. Bárin Tom Lefller men aǵaıyndy Germann sheshedi. Bıllı Djo Sonderstiń aıtýynsha, Golovkınmen jekpe-jektiń aldyna qazan aıynda onyń josparlaǵan bir kezdesýi bar.
Meniń biletinim, jyl sońyna deıin bir aıqas ótkizemiz. Múmkin qarashanyń aıaǵyna taman, múmkin jeltoqsannyń basynda, biraq kimge qarsy ekendigin bilmeımin»,-dep málim etti Sanches On The Ropes Boxing Radio-ǵa bergen suhbatynda.
