Kıimge eń tómengi baǵa belgilene me — Kirister komıteti jaýaby

ASTANA. KAZINFORM — Elimizde kıim-keshekke eń tómengi baǵa belgilenýi múmkin be? Bul saýalǵa EAEO sheńberinde qosylǵan qun salyǵyn ákimshilendirý basqarmasynyń basshysy Aslan Tobyqbaev jaýap berdi. 

— Eger jappaı baǵa aýytqýy tirkelse, árıne, máseleni kóteremiz. Bıýdjetke keltirilgen zııandy faktilermen kórsete otyryp, usynysty tizimge engizý úshin kelisimge joldaımyz. Bul tek kıimge ǵana emes, basqa da taýarlarǵa qatysty, — dedi Aslan Tobyqbaev Qarjy mınıstrligi Memlekettik kirister komıtetinde onlaın ótken brıfıngte.

Onyń aıtýynsha, vedomstvo baǵa naryǵyna turaqty taldaý júrgizedi jáne sheshim sonyń qorytyndysyna baılanysty. 

Sondaı-aq spıker 2021 jyly Memlekettik kirister komıtetiniń bastamasymen Salyq kodeksine eń tómengi baǵa deńgeıin engizý jóninde túzetýler engizilgen aıtty. Atalǵan norma kúshine engen, qazir jekelegen taýar sanatyna qoldanylady.

Buǵan deıin EAEO aıasynda tańbalaý júıesin engizý arqyly kóleńkeli ekonomıkamen kúres sharasy týraly habarlaǵan edik.