KIMEP Ýnıversıteti Qazaqstannyń joǵary oqý oryndarynda eýropalyq bilim standarttaryn engizýge múmkindik týǵyzady
ALMATY. 18 qyrkúıek. QazAqparat - KIMEP Ýnıversıteti 21-22 qyrkúıekte «Bolonıa protsesi: Qazaqstannyń joǵary oqý oryndarynyń múmkindikteri» konferentsııasyn ótkizedi. Bul týraly atalmysh oqý orny habarlaıdy.
Konferentsııa elimizdiń 2010 jyly naýryzda Eýropa Joǵary bilim aımaǵyna (EHEA) enýine baılanysty Qazaqstanda eýropalyq bilim standarttaryn engizý jónindegi sharalar aıasynda ótpek.
«EHEA-ǵa kirý qazaqstandyq joǵary oqý oryndaryna demokratııa men akademııalyq erkindikke negizdelgen bilimniń úlken qoljetimdiligin qamtamasyz ete otyryp, halyqaralyq yntymaqtastyqtyń jańa múmkindikterin ashady» delingen habarlamada.
Sharanyń maqsaty - Bolonıa protsesine ený joǵary oqý oryndary úshin ashylatyn múmkindikter týraly oqý oryndarynyń basshylaryn, ákimshiler men akademıkterdi praktıkalyq aqparatpen qamtamasyz etý.
Bolonıa protsesi - birińǵaı eýropalyq joǵary bilim berý keńistigin jasaý maqsatymen Eýropa elderindegi joǵary bilim berý júıesin jaqyndastyrý ári úılestirý úderisi. Protsestiń resmı bastalǵan kúni Bolon deklaratsııasyna qol qoıylǵan 1999 jylǵy 19 maýsym bolyp qabyldanǵan.
KIMEP Ýnıversıteti Qazaqstanda eýropalyq bilim standarttaryn engizý sharalary toptamasynyń aıasynda atalmysh konferentsııany ekinshi ret ótkizip otyr. 2012 jylǵy naýryzda ótken alǵashqy konferentsııa Qazaqstan men Ortalyq Azııanyń jetekshi joǵary oqý oryndarynyń 120 ókilin birge jınap, úlken qoǵamdyq kózqarasqa ıe boldy.
Konferentsııa kezinde joǵary oqý oryndarynyń rektorlary úshin arnaýly sessııa ótkiziledi, ony Bıznes basqarý boıynsha halyqaralyq baǵdarlamalardy akkredıtteý qorynyń ókili, eýropalyq sarapshy doktor Haıns-Ýlrıh Shmıdt /FIBAA, Germanııa/ júrgizetin bolady.
