KIMEP Ýnıversıteti Qazaqstanda alǵashqy bolyp óz baǵdarlamalaryna Halyqaralyq agenttikterden tolyq akkredıtatsııa aldy
ASTANA. 12 qyrkúıek. QazAqparat - KIMEP Ýnıversıteti bakalavrıat jáne magıstratýranyń barlyq baǵdarlamalary (isker ákimshildik, quqyqtaný, shetel tili, halyqaralyq qatynastar, memlekettik basqarý, jýrnalıstıka jáne ekonomıka) boıynsha halyqaralyq akkredıtatsııa alý jetistikterimen óz jylyn tabysty aıaqtady.
Bul týraly KIMEP Ýnıversıtetiniń baspasóz qyzmetinen habarlady.
Akkredıtatsııany Avstrııanyń kóptegen joǵary bilim mekemeleriniń sapasyn qamtamasyz etý úshin jaýapty Avstrııa úkimeti qurǵan AQAAA agenttigi bergen. Agenttikti Eýropa joǵary bilim keńistiginiń bilimdik baǵdarlamalaryn akkredıtteý úshin Eýropa Odaǵy akkredıttegen jáne ol QR Bilim jáne ǵylym mınıstrligi tanyǵan sany jaǵynan kóp emes halyqaralyq akkredıtteý agenttiginiń biri bolyp tabylady.
Osy tabys KIMEP Ýnıversıtetiniń dárejeli bilimdik baǵdarlamalarynyń ozyq álemdik praktıkaǵa jaýap beretin halyqaralyq deńgeıde tanylǵanyn bildiredi.
Bul baǵaly jetistik KIMEP Ýnıversıtetiniń tabystar toptamasynyń tek sońǵysy ǵana. Sońǵy jyl ishinde Beng atyndaǵy bıznes fakýlteti jáne Basqarýshy kadrlarǵa arnalǵan MVA baǵdarlamasy Avstralııada ornalasqan Azııa bıznes bilim forýmynyń halyqaralyq akkredıtatsııasyn, al sonymen qatar Basqarýshy kadrlarǵa arnalǵan MVA baǵdarlamasy halyqaralyq isker ákimshildik salasynda akkredıtteý nemis federatsııasynan halyqaralyq akkredıtteý aldy. Budan basqa, KIMEP memlekettik basqarý salasyndaǵy bakalavrıat jáne magıstratýra baǵdarlamalary memlekettik basqarý baǵdarlamalaryn akkredıtteý boıynsha eýropalyq agenttikten tolyq akkredıtatsııa alsa, jýrnalıstıka jáne BAQ salasyndaǵy bakalavrıat jáne magıstratýra baǵdarlamalary Amerıka kommýnıkatsııalar boıynsha assotsıatsııadan akkredıtatsııa alǵan.
Alǵan akkredıtatsııaǵa qosymsha jaqynda KIMEP Ýnıversıtetiniń baǵdarlamalaryn qazaqstandyq reıtıngter atap ótti. Bilim berý sapasyn qamtamasyz etýdegi qazaqstandyq táýelsiz agenttik reıtıngisinde KIMEP Ýnıversıteti Qazaqstandaǵy «eń úzdik gýmanıtarlyq-ekonomıkalyq ýnıversıtet» nomınatsııasyn alsa, Bilim jáne ǵylym mınıstrliginiń Bolon ortalyǵy býhgalterlik esep jáne aýdıt, ekonomıka jáne memlekettik basqarý baǵdarlamalaryn elimizdegi eń úzdik baǵdarlamalar dep baǵalady. Ǵalamdyq aýqymda, ıaǵnı halyqaralyq tanylǵan reıtıng agenttigi ıspandyq Kıbermetrıka laboratorııasynyń baǵalaýyna sáıkes KIMEP Ýnıversıtetiniń Beng atyndaǵy bıznes fakýlteti dúnıejúziniń eń úzdik bıznes mektebiniń tiziminde 112 oryndy aldy.
KIMEP Prezıdenti d-r Chan Ian Beng bylaı dep atap ótti: «Osydan jıyrma jyldan asa ýaqyt buryn, uly mártebeli, Qazaqstan Respýblıkasynyń Prezıdenti Nursultan Nazarbaev Qazaqstanda álemdik deńgeıdegi bilim berý maqsatymen KIMEP-tiń negizin qalady. KIMEP Ýnıversıtetiniń barlyq bakalavrıat jáne magıstratýra baǵdarlamalaryn AQAAA-nyń akkredıtteý sheshimi prezıdenttiń jalpy kózqarasynyń oryndalǵandyǵynyń taǵy bir aıǵaǵy bolyp tabylady».
