Əkimdik astanalyqtardy qaıyrymdy qala turǵyndary bolýǵa shaqyrdy
«Aýa raıynyń kúrt sýytýyna baılanysty turǵylyqty mekenjaıy joq adamdardy kórseńizder táýlik boıy jumys istep turǵan 531648, 87016548999 telefondaryna habarlasýlaryńyzdy suraımyz. Áleýmettik qyzmet alǵashqy dárigerlik kómek kórsetý jáne olardy arnaıy beıimdeý ortalyǵyna jetkizý boıynsha barlyq tıisti sharalardy jasaıtyn bolady», - dep jazady Astana qalasy ákiminiń baspasóz hatshysy Elvıra Júrgenbaeva Feısbýktegi paraqshasynda.
Eske sala keteıik, Astana qalasynyń ákimi Áset Isekeshev aldaǵy kúnderi temperatýranyń tómendeýine baılanysty qala turǵyndaryn qaýipsizdik sharalaryna nazar aýdarýǵa shaqyrǵandyǵy týraly buǵan deıin jazǵan bolatynbyz.
Sondaı-aq, búgin QazAqparat tilshisi Astana qalasynyń turǵyndary qalanyń memlekettik qyzmetshileriniń bir-birine kómek berý bastamasyna ún qosyp jatqandyǵy týraly da jazdy.
Qazgıdromet taratqan málimetterge qaraǵanda, 22 qańtardan bastap, ásirese 23-26 qańtar aralyǵynda aýa-raıy kúrt sýytyp, aýa temperatýrasy -35 - 40 gradýsqa deıin tómendeýi múmkin.