Əkimderdiń jýrnalısterdi «qara tizimge» engizetin quqyǵy joq - T.Donaqov

ASTANA. QazAqparat - Buqaralyq aqparat quraldarynyń ókilderin «qara tizimge» engizetindeı, əkimderdiń quqyǵy joq. Bul týraly búgin Ortalyq kommýnıkatsııalar qyzmetinde jýrnalısterdiń suraǵyna jaýap bere otyryp, Memlekettik qyzmet isteri jónindegi mınıstr Talǵat Donaqov məlim etti.

«Qazir aqparattyń ashyqtyǵy týraly zań jumys istep tur, zańda taıǵa tańba basqandaı jazylǵan: aqparatty shekteýge bolmaıdy jəne aqparat taratýda əkimderdiń jýrnalısterdi «qara tizimge» engizýge qaqysy joq. Aıtpaqshy, zańda aqparatty shektegen adam jazaǵa tartylatyny da aıtylǵan. Sondyqtan, bərimiz osy zańǵa baǵynýymyz kerek»,-dedi T.Donaqov.
Al, Premer-mınıstrdiń orynbasary D.Nazarbaevanyń aıtýynsha, osy zań memlekettik organdar men ortalyq jəne jergilikti atqarýshy organdardy kez kelgen qujat qabyldanǵannan keıin úsh kúnnen soń ınternetke jarııalaýdy mindetteıtin bolǵan soń, aqparatty shekteý məselesi ózinen ózi joıylady.