Kimder oqýlyq avtory bola alady
ASTANA. QazAqparat - Búgin Ortalyq kommýnıkatsııalar qyzmetindegi baspasóz máslıhatynda QR BǴM Mektepke deıingi jáne orta bilim departamentiniń dırektory Sholpan Karınova kimderdiń oqýlyq avtory bola alatyndyǵyn aıtty, dep habarlaıdy QazAqparat.
«Búginde oqýlyq avtory degen mamandyq joq. Sondyqtan oqýlyqtardy daıyndaýmen, oqýlyqtardyń mazmunymen eń birinshi kezekte ǵalymdar aınalysady. Olar oqýlyq mazmunyn teorııalyq turǵyda ǵylymı negizdeıdi. Sonymen qatar oqýlyqtardy daıyndaýymen barlyq pánder boıynsha tájirıbesi bar praktık muǵalimder de aınalysady», - dedi ol BAQ ókilderiniń saýalyna oraı.
Budan basqa Departament basshysy aımaqtaný oqýlyǵynyń mazmunyna da toqtaldy.
«Bul oqýlyq «Rýhanı jańǵyrý» baǵdarlamasy aıasynda aǵymdaǵy jyly saraptamaǵa túsip otyr. Árbir óńir óz aımaqtary boıynsha oqýlyq avtory bolyp tabylady. Aıta keterligi, 20 saǵatqa ár óńirdiń geografııasy, mýzykasy men tarıhy enip otyr», - dedi Sholpan Karınova.
Onyń aıtýynsha, qasıetti jerlerdiń tizimin árbir óńirdiń sarapshylary derbes aıqyndaıtyn bolady.
«Sondyqtan atalǵan oqýlyqqa qandaı qasıetti jerdiń kiretindigin oblystar aıqyndaıdy. Bul normalar oqý baǵdarlamasyn aıqyndaý barysynda negizgi alynýy tıis. Búgingi kúni baǵdarlamany aıqyndaý jumystary jalǵasyp jatyr», - dedi departament basshysy.
Foto: arnapress.kz
