Qymbat temekige de baılyq salyǵy salynýy múmkin

ASTANA. KAZINFORM –  Ulttyq ekonomıka mınıstrligi keden jáne salyq saıasaty departamentiniń dırektory Erlan Saǵnaev «Atameken» ulttyq kásipkerler palatasyndaǵy jańa Salyq kodeksin tanystyrýǵa arnalǵan is-sharada baılyq salyǵynyń ishimdik pen temekige qatysty mólsherlemesi qandaı bolatynyn aıtty.

«Sondaı-aq, qymbat temeki, qymbat alkogoldik ónim degen sııaqty aktsızdik ónimder bar. Eger temekiniń bir danasy 10 myń teńgeden qymbat bolsa, salyǵy aktsız túrinde 10 paıyzǵa joǵary tólenedi. Al qymbat alkogoldiń 1 lıtri jarty mıllıon teńgeden assa, aktsız túrinde 10 paıyz joǵary tóleıdi», - dedi mınıstrlik ókili.