Qymbat araq-sharaptyń salyǵy eselep artady

Úkimet otyrysynan keıin ótken baspasóz máslıhatynda Ulttyq ekonomıka mınıstri Álibek Qýantyrov qymbat araq-sharaptyń salyǵy qalaı artatynyn aıtty, dep habarlaıdy QazAqparat. 

«Neshe qazaqstandyqtyń menshiginde jeke ıahta, ushaq, qymbat kólik bar ekeni týraly málimetti sizderge berip otyrmyz. Sán-saltanat salyǵy da osy sanatqa salynady. Sán-saltanat salyǵy qymbat araq-sharapqa da qoldanylady. Biz onyń mólsherin 1000 ese kóteremiz», - deıdi Álibek Qýantyrov.

Mınıstr sózine naqty mysal da keltirdi.

«Elestetip kórińiz, mysaly, 10 jyl saqtalǵan Macallan-nyń quny - 7 mln teńge. Onyń qazirgi aktsızi - 700 teńge. Biz ol aktsızdi 10 ese kóterip, óz qunynyń 10 paıyzyn salyǵyna qosamyz. Sán-saltanat salyǵy halyqtyń ishinde úlesi sonsha kóp emes belgili bir taptaǵy adamdarǵa ǵana qatysty», - dedi mınıstr.