«Kimasarda» adasyp ketken jasóspirimder tabyldy
ALMATY. QazAqparat - Almatyda qutqarýshylar qyzmeti «Kimasar» shatqalynda adasyp qalǵan qyz ben jigitti tapty, dep habarlaıdy QazAqparat tilshisi.
Qutqarý qyzmetiniń málimetinshe, jasósipirmder kúndiz taýǵa serýendeýge shyqqan. Býtakovka aımaǵynan «Medeý» bıik taýly sport keshenine deıin kóterilmek bolǵan. Qas qaraıǵan kezde olar qaıtar joldy taba almaı qalǵan.
«1 shilde kúni saǵat 22.50-de qutqarý qyzmetiniń «109» nómirine belgisiz áıel habarlasyp , 17 jasar ulynyń 16 jasar qyzben taýda adasyp, qaıtar joldy taba almaǵanyn habarlaǵan bolatyn. «Kimasar» shatqalynda qutqarýshylar ekıpajy shyǵyp, biraz ýaqyt ótken soń joǵalǵandardy tapty. Olardyń eshqaısysy medıtsınalyq kómekke júginbegen. Qurtqarýshalar olardy «Medeýge» ata-analary kútip turǵan jerge aparyp tastady. Qutqarý operatsııasy 2 shilde kúni saǵat túngi 3-ke deıin jalǵasty»,-delingen habarlamada.
Jedel izdestirý sharalaryna 5 adam men bir tehnıka jumyldyryldy. Almaty qutqarýshylar qyzmeti turǵyndarǵa qaýipsizdik erejelerin saqtaýdy eskertedi.
Foto: almatyregion-tour.kz
