Əkim urǵan oqýshynyń ata-anasy jazaǵa tartylýy múmkin - Aqmola oblysy
KÓKShETAÝ. QazAqparat - Aqmola oblysyndaǵy Qorǵaljyn selolyq okrýginiń burynǵy ákimi Janat Omarov urǵan 8-shi synyp oqýshysy Dıas Muqannyń ata-anasy əkimshilik jazaǵa tartylýy múmkin, dep habarlaıdy QazAqparat tilshisi Aqmola oblystyq sotynyń baspasóz qyzmetine silteme jasap.
Eske sala keteıik, mektep oqýshysyn uryp əleýmettik jelini shýlatqan Qorǵaljyn selolyq okrýginiń burynǵy ákimi Janat Omarovqa qatysty qozǵalǵan ákimshilik is jaqynda Qorǵaljyn aýdandyq sotyna joldanǵan bolatyn.
Sotta anyqtalǵandaı, eks-əkim Janat Omarovqa qatysty QR ÁQbK 7/1 babynyń 1 bólimi boıynsha (densaýlyqqa qasaqana jeńil zalal keltirý) əkimshilik is qozǵalǵan. Atalǵan sanktsııa boıynsha kúdiktige 15 aılyq eseptik kórsetkish kóleminde aıyppul nemese 15 táýlikke qamaý jazasy taǵaıyndalýy múmkin. Osy iske baılanysty sot otyrysy 4 səýirge josparlanyp otyr.
Sonymen qatar, osy kúni zardap shekken Dıas Muqannyń ata-anasyna da qatysty sot sheshim shyǵarady. Óıtkeni, eldi shýlatqan oqıǵa eki oqýshynyń arasyndaǵy tóbelesten bastalǵan. ıAǵnı, burynǵy əkim balasyn urǵany úshin Dıas Muqandy soqqyǵa jyqqan kórinedi.
Sol sebepti, aıyptalyp otyrǵan jaq balasyn birinshi bolyp urǵan zardap shegýshi Dıas Muqannyń ata-anasyn jaýapqa tartý týraly sotqa aryz túsirgen eken.
"Dıas kámelettik jasqa tolmaǵan. Sondyqtan onyń ata-anasyna qatysty QR ÁQbK 7/1 babynyń 1 bólimi boıynsha əkimshilik is tústi. Bul is te aǵymdaǵy jyldyń 4 səýirinde sotta qaralady. Sol kezde sot tarapynan naqty sheshim shyǵarylady", dep túsindirdi sottyń baspasóz qyzmetindegiler.
