Kıim-keshek, azyq-túlik, opa-dalap: árbir úshinshi qazaqstandyq ınternette saýda jasap júr
ASTANA. KAZINFORM – Ulttyq statıstıka bıýrosy qazaqstandyqtardyń ınternetti ıgerý deńgeıi týraly statıstıkany jarııalady. Sonyń ishinde ınternetti tutyný kanaly retinde qalaı qoldanyp júrgeni týraly málimet te bar.
Statıstıkaǵa sensek, Qazaqstanda ınternet arqyly taýar men qyzmet satyp alatyndardyń úlesi 32,1%-ǵa jetken. Dóńgelektep aıtsaq, eldegi árbir úshinshi turǵyn onlaın saýda jasap júr.
Al eń suranysqa ıe taýarlar qatarynda kıim, azyq-túlik jáne kosmetıka bar.
Qazaqstandyqtar ınternet arqyly eń kóp satyp alatyn taýardyń 71,3%-y – kıim, aıaq kıim jáne sport taýarlary. Odan keıin azyq-túlik (45,2%), kosmetıka (33,2%) jáne úı sharýashylyǵyna arnalǵan taýarlar (33,2%) tur. Dári-dármekke suranys ta joǵary – 31,9%.
Óńirler arasynda Shyǵys Qazaqstan oblysy birinshi orynda tur (61,7%). Qaraǵandy oblysy (49,9%) men Almaty (46%), Astana (43,4%) qalalarynyń turǵyndary da belsendi. Al Túrkistan (11,1%), Jetisý (12%) jáne Jambyl (14%) oblystarynyń halqy ınternet saýdaǵa áli de jappaı mashyqtana qoımaǵan.
Buǵan deıin qazaqstandyqtardyń 95,6%-y ınternet qoldanatyn jazǵan edik.
https://kaz.inform.kz/news/kazakstandiktardin-956-i-internet-koldanadi-statistika-09f5b5/
