Kım Kardashıandy tonady degen kúdikpen ustalǵan taǵy 6 adamǵa aıyp taǵyldy
ASTANA. QazAqparat - Parıj prokýratýrasy amerıkalyq telejúrgizýshi Kım Kardashıan-Ýestti tonady degen kúdikke ilingen 6 adamǵa aıyp taqty, dep jazady Bı-bı-sı.
Frantsııalyq BAQ málimetteri boıynsha, alty adamnyń biri - áıel, al taǵy biri - qylmysty uıymdastyrǵan adam.
Buǵan deıin taǵy 4 adamǵa osy qylmys boıynsha aıyp taǵylǵan.
Eske sala keteıik, Kım Kardashıandy ótken jyldyń qazan aıynda Parıjge sapary kezinde tonap ketken. Betperde kıgen qarýly adamdar onyń páterine basyp kirip, quny 9,5 mln dollar turatyn áshekeı buıymdaryn qoldy etken.
36 jastaǵy Kım Kardashıan-Ýest «Kardashıandar otbasy» atty teleshoýy arqyly tanymal bolǵan telejúrgizýshi.
