Kım Chen Ynnyń tátesi kúıeýi jazaǵa tartylǵannan keıin óz-ózine qol saldy
ASTANA. 6 qańtar. QazAqparat - Ótken jyldyń jeltoqsanynda jazaǵa kesilgen KHDR-diń ekinshi tulǵasy Chan Son Thektiń jesiri Kım Gen Hı óz-ózine qol saldy. Bul jaıynda ońtústikkoreılik he Chosun Ilbo gazeti Seýldiń barlaý qyzmetindegi derekkózine silteme jasap habarlaýda.
Al ekinshi bir aqparǵa qaraǵanda, ol júrek talmasynan mert bolýy múmkin.
Soltústik Koreıanyń burynǵy kóshbasshysy Kım Chen Irdiń kishi qaryndasy Kım Gen Hı jurt aldyna sońǵy ret 2013 jyldyń qyrkúıek aıynda KHDR-diń qurylǵanyna 65 jyl tolýyna oraı uıymdastyrylǵan kontsertte shyqqan bolatyn. Atalǵan sharaǵa ol nemere inisi Kım Chen Yn men onyń áıeli Lı Sol Chjýmen kelgen edi. Al osydan keıin el kózine túspegen Kım Gen Hıdi júregindegi aqaýǵa baılanysty Reseıde em alyp jatyr degen de aqparat taraǵan-dy.
General Chan Son Thek 12 jeltoqsanda, arnaıy áskerı trıbýnaldan keıin jazaǵa kesilgen. Phenıan óltirilgen generaldy «satqyn» dep atady. Resmı nusqa boıynsha, Kım Chen Ynnyń nemere aǵasy "soraqy qylmysy" - "ár túrli qastyq is-áreket jáne basqa da aram ádisterdiń" kómegimen tóńkeris jasap, eldegi bılikti óz qolyna alýǵa tyrysqan. KHDR bıligi bastapqyda Soltústik Koreıa kóshbasshysynyń nemere aǵasyn eldiń ulttyq qorǵanys komıssııasy tóraǵasynyń orynbasary qyzmetinen shettetti. Sodan keıin onyń beınesi jańalyqtar habarynan alynyp tastaldy, al 9 jeltoqsanda Kım Chen Yn týysynyń partııaǵa qarsy fraktsııalyq qyzmetpen aınalysqany jáne ekijúzdi saıasat júrgizgeni belgili boldy. Sonymen qatar, KHDR qazirgi basshysynyń ákesi Kım Chen Ir qaıtys bolyp, elde qaraly kúnder bolǵanda Chan Son Thektiń esirtki qoldanǵany jáne qumar oıyndar oınap kóńil kótergeni anyqtalyp otyr.
