Kım Chen Ynnyń naǵashy atasynyń zıraty Ońtústik Koreıadan tabyldy
ASTANA. QazAqparat - Soltústik Koreıanyń kóshbasshysy Kım Chen Ynnyń naǵashy atasy Ko Gen Thektiń zıraty Ońtústik Koreıanyń Chechjý atty kýrorttyq aralynan tabyldy.
Bul týraly ońtústikkoreıalyq «Choson ılbo» gazetine silteme jasap, ria.ru habarlaıdy.
Ko Gen Thek 1913 jyly Chechjý aralynda týylǵan. Al 1929 jyly otbasymen Japonııadaǵy Osako qalasyna kóship barady. Sol jerde uly men eki qyzy ómirge keledi. Eki qyzynyń biri qazirgi KHDR jetekshisiniń ákesi - Kım Chen Irge turmysqa shyǵady. 1962 jyly Ko Gen Thek Japonııada ustalyp, Soltústik Koreıaǵa jer aýdarylady. Osy kúnge deıin onyń qaıda jerlengeni belgisiz bolyp kelgen.
Ońtústikkoreıalyq ǵalymdar Ko Gen Thektiń zıratyn araldyń astanasy Chechjý qalasynyń mańynan tapty. Koreılerdiń salty boıynsha múrdeni órtegen soń, kúli salynǵan qumyrany jerge kómip, ústine plıta tóseıdi. Ko Gen Thektiń zıratynyń uzyndyǵy shamamen 50 santımetr, al eni 40 santımetr eken.
