Kım Chen Ynnyń qaryndasy turmysqa shyqty
ASTANA. QazAqparat - KHDR kóshbasshysy Kım Chen Ynnyń 28 jastaǵy qaryndasy Kım E Chjon Koreıa Eńbek partııasy Ortalyq Komıteti hatshysynyń ulyna turmysqa shyqty. Bul týraly ońtústikkoreıalyq «Renhap» agenttigi Qytaıdaǵy bedeldi derekkózge silteme jasap málimdedi, dep habarlady Lenta.rý.
Agentttik Kım E Chjonnyń qaıynatasy - Eńbek partııasynyń hatshysy Tson Ren He yqpaly jaǵynan KHDR-daǵy ekinshi adam dep sanalatynyn atap ótti. Kóshbasshynyń qaryndasy onyń Tsoı Son degen kishi ulyna shyqqan, ol qazir 30 jastan sál ǵana asqan kórinedi. Kúıeýdiń laýazymy qupııa ustalyp otyr. Al Kım E Chjonnyń ózi - Eńbek partııasy Ortalyq Komıtetinde bólim bastyǵy.
2 qańtarda, juma kúni soltústikkoreıalyq BAQ Kım E Chjonnyń óziniń aǵasymen birge Jańa jylda balalar úıinde bolǵan kezindegi fotosýretin jarııalady. Onyń sol qolynda neke saqınasyna uqsaıtyn júzik bolǵan.
