Kım Chen Yn zymyran oqtumsyǵy óndirisin ulǵaıtýdy tapsyrdy
ASTANA. QazAqparat - KHDR basshysy Kım Chen Yn ballıstıkalyq zymyranǵa arnalǵan oqtumsyq pen qatty otyndy zymyran qozǵaltqyshy óndirisiniń kólemin ulǵaıtý kerek dep esepteıdi. Kım Chen Yn bul pikirdi Ulttyq áskerı ǵylym akademııasy janyndaǵy hımııa materıaldaryn ǴZO barǵan kezde aıtty, dep habarlaıdy TASS.
«Eldiń joǵary áskerı qolbasshysy ınstıtýtqa kómirsýtek materıaldaryn paıdalana otyryp, qatty otynda zymyran qozǵaltqyshtaryn jáne ballıstıkalyq zymyranǵa arnalǵan oqtumsyqty shyǵarý kólemin arttyrýdy tapsyrdy», - dep jazady agenttik.
Kım Chen Yn ınstıtýttaǵy óndiristik protsestermen tanysyp, qyzmetkerlerdiń jumystaryna joǵary baǵa berdi.
Aıta keteıik, Soltústik Koreıa ózderiniń zymyran-ıadrolyq baǵdarlamasyn belsendi damytyp keledi. Phenıan maýsym aıynda eki ret ballıstıkalyq zymyrandy synaqtan ótkizgen bolatyn.
