Kım Chen Yn «Jyl adamy» bolýy múmkin
ASTANA. 2 jeltoqsan. QazAqparat - Time jýrnalynyń nusqasy boıynsha, 2012 jylǵy «Jyl adamy» ataǵy soltústikkoreıalyq jas kóshbasshy Kım Chen Ynǵa buıyrýy múmkin.
Oǵan Internette eń kóp daýys berilip otyr. Onyń reıtıngide birinshi orynǵa shyǵýy belgili bolyp qaldy, óıtkeni odan keıingi ekinshi orynda turǵan egıpet prezıdenti Muhammed Mýrsıden ol jarty mıllıon daýysty kóp jınap otyr.
«Reseı 24» telearnasynyń málimetteri boıynsha, Barak Obama toǵyzynshy orynda kele jatyr. Jergilikti bloggerler bunyń sebebin túsine almaı álek, álde búkil soltústikkoreıalyqtardyń qolyna jappaı ınternat ustatqan ba, álde oqyrmandar ázildep otyr ma, dep mysqyldaıdy olar. Buǵan deıin amerıkandyq syqaq basylymy, soltústikkoreıalyq kóshbasshyny jyldyń seks-sımvoly dep ataǵanda, qytaılyq baspasóz senip qalyp, jarııalap jibergeni bar.
