Kım Chen Yn taǵy da kórinbeı ketti
SEÝL. YONHAP-QazAqparat – Ońtústik Koreıa soltústikkoreıalyq kóshbasshy Kım Chen Ynnyń qaıda júrgenin nazardan tys qaldyrmaýda, dep habarlady juma kúni eldiń birlesý mınıstrliginen. Kım Chen Yn úsh apta boıy jurtshylyq aldyna shyqpaǵan, dep habarlaıdy QazAqparat Yonhap agenttigine silteme jasap.
Kımniń densaýlyǵy men onyń qaıtys bolýy týraly ósek-aıań jurt aldyna 20 kún shyqpaı, 1 mamyrda zaýyt qurylysynyń aıaqtalý saltanatyna barǵan soń toqtady.
Qańtar aıynda Kım Chen Yn jurt aldyna 21 kún boıy shyqpaǵan bolatyn. Kım osylaı jıi joǵalady. 25 qańtar kúni Phenıanda Jańa jyldy toılaýǵa arnalǵan kontsertten soń el kóshbasshysy úsh apta boıy kórinbeı ketken. Aqyry memlekettik BAQ onyń qaıtys bolǵan ákesiniń týǵan kúninde Phenıandaǵy kesenege barǵanyn habarlady.
Jurt kózinen eń uzaq joǵalǵany 2014 jyldyń qyrkúıeginde bolǵan. Ol kezde Kım Chen Yn 40 kúnge joǵaldy.
