Kım Chen Yn Soltústik Koreıanyń barlyq balalaryna bir keli kámpıtten syılady
ASTANA. 7 qańtar. QazAqparat - Soltústik Koreıanyń basshysy Kım Chen Yn óziniń týǵan kúni qurmetine eldiń barlyq balalaryna bir keli kámpıtten jiberdi,
bul týraly Reseı Jańalyqtar agenttigi habarlady.
Bul dástúrdi onyń atasy Kım Ir Sen 1980 jyly qalyptastyryp ketken bolatyn. Táttiler ushaqpen on jastan aspaıtyn balalarǵa jetkizildi. Basylymnyń jazýynsha, el turǵyndary ushaqtardy úlken qýanyshpen qarsy alyp jatty. Seýl Ekonomıkalyq zertteýler ınstıtýty taldaýshylarynyń paıymynsha, bul aktsııa «eldiń jomart jáne qamqor kóshbasshysynyń» ımıdjin ustap turýǵa jáne «jas kóshbasshyǵa tabynýdy» bekite túsýge baǵyttalǵan.
Aıta ketý kerek, buryn Soltústik Koreıada bıleýshiniń týǵan kúni memlekettik mereke bolyp keldi, biraq Kım Chen Ynnyń týǵan kúni - 8 qańtar ázirshe meıram retinde jarııalanǵan joq. Kım Chen Yn memlekettiń basshylyǵyna óziniń ákesi Kım Chen Ir 2011 jyldyń jeltoqsanynda qaıtys bolǵannan keıin keldi.
