Kım Chen Yn nemere aǵasyn ne úshin atý jazasyna keskeni anyqtaldy
ASTANA. 14 jeltoqsan. QazAqparat - KHDR kóshbasshysy Kım Chen Ynnyń týǵan nemere aǵasy - Chan Son Thektiń naqty qandaı jazaǵa tartylǵany belgili boldy.
Mundaı aqparatty Ońtústik Koreıa BAQ-yna silteme jasap, Sky News telearnasy taratty. General Chan Son Thek beısenbi kúni, 12 jeltoqsanda, arnaıy áskerı trıbýnaldan keıin jazaǵa kesilgen.
Phenıan óltirilgen generaldy «satqyn» dep atady. Resmı nusqa boıynsha, Kım Chen Ynnyń nemere aǵasy "soraqy qylmysy" - "ár túrli qastyq is-áreket jáne basqa da aram ádisterdiń" kómegimen tóńkeris jasap, eldegi bılikti óz qolyna alýǵa tyrysqan.
Chan Son Thek týraly búkil álem bir apta buryn ǵana bildi. KHDR bıligi bastapqyda Soltústik Koreıa kóshbasshysynyń nemere aǵasyn eldiń ulttyq qorǵanys komıssııasy tóraǵasynyń orynbasary qyzmetinen shettetti. Sodan keıin onyń beınesi jańalyqtar habarynan alynyp tastaldy, al 9 jeltoqsanda Kım Chen Yn týysynyń partııaǵa qarsy fraktsııalyq qyzmetpen aınalysqany jáne ekijúzdi saıasat júrgizgeni belgili boldy.
Sonymen qatar, KHDR qazirgi basshysynyń ákesi Kım Chen Ir qaıtys bolyp, elde qaraly kúnder bolǵanda Chan Son Thektiń esirtki qoldanǵany jáne qumar oıyndar oınap kóńil kótergeni anyqtalyp otyr.
