Kım Chen Yn KHDR parlamenti depýtattyǵyna kandıdat retinde usynyldy
ASTANA. QazAqparat - KHDR kóshbasshysy Kım Chen Yn 13-shi shaqyrylymdaǵy respýblıkanyń joǵarǵy halyq jıynynyń (parlament) depýtaty bolýǵa nıetti.
Bul týraly seısenbi kúni TsTAK aqparattyq agenttigi jazdy. Osyǵan deıin QHDR joǵarǵy zańnamalyq organy saılaýyn 9 naýryzda ótkizý belgilengeni habarlanǵan bolatyn.
Kım Chen Ynnyń kandıdatýrasy saılaýshylardyń kóbi áskerıler bolyp tabylatyn Phenıannyń 111-shi saılaý okrýginde usynylǵan. Koreı sarbazdary men ofıtserleri muny Phenıandaǵy buqaralyq bımen atap ótti. Olar osynda áıgili «Kım Chen Ynnyń qaýipsizdigi úshin jan pıda» patrıottyq ánin oryndady.
Joǵarǵy halyq jıyny 687 parlamentshiden turady. Ádette, depýtattar el bıýdjeti men mańyzdy zań jobalaryn qabyldaý úshin astanada jylyna bir ret jıylady.
