Kım Chen Yn KHDR áskeriniń marshaly boldy
ASTANA. 18 shilde. QazAqparat - Soltústik Koreıa kóshbasshysy Kım Chen Yn ásker basshylyǵyndaǵy aýys-túıisterden keıin Koreı Halyq Demokratııalyq Respýblıkasy áskeriniń marshaly boldy,
dep habarlady Bı-Bı-Sı.
Soltústik Koreıanyń memlekettik aqparattyq agenttigi bul jańalyqty ańdatpada berip, jergilikti ýaqyt boıynsha saǵat 12.00-de Phenıan «mańyzdy jańalyq» habarlaıdy dep jarııalady.
Jeksenbi kúni áskerdiń bas shtabynyń basshysy Lı En Ho otstavkaǵa jiberildi. Ol KHDR-dyń burynǵy kóshbasshysy Kım Chen Irmen jaqsy tanys bolǵan. Soltústik Koreıa áskeriniń bas shtabynyń basshysy laýazymyna general Hon En Chhol taǵaıyndaldy.
Kım Chen Yn 2011 jyldyń jeltoqsan aıynda ákesi Kım Chen Irdiń qaıtys bolǵanynan keıin memleketti basqarǵan bolatyn.
